"بناتها تعبانين.. راعوا حرمة الميت".. طلب من الفنانين بخصوص جنازة دلال عبد العزيز
الأحد 08/أغسطس/2021 - 10:40 ص
طلب عدد من الفنانين ومن بينهم الفنان عمرو وهبة والمنتج محمد كارتر، زوج الفنانة شيماء سيف، من كل مصوري جنازة دلال عبد العزيز ضرورة مراعاة مشاعر أسرتها وخاصة بناتها دنيا سمير غانم وكذلك إيمي سمير غانم.
قال "وهبة" عبر حسابه الشخصي بموقع "فيس بوك": "أتمنى اللى حصل فى جنازة أستاذ سمير غانم من تصوير وتدافع وحصريات ميحصلش النهاردة فى جنازة أستاذة دلال.. بناتهم وأسرتهم تعبانين ومرهقين ومقهورين وكل الناس عارفة فا مش لازم كمان صورهم وهم فى الحالة دى تغرق الانترنت بعد صلاة الجنازة بخمس دقايق.. محدش هيستفيد حاجه لما يصورهم وهما كده ومحدش هيستفاد حاجه لما يتفرج على صور حد زعلان.. ساعدوهم يعدو الوقت الصعب ده عشان الصور دى هتعيش وهتفضل تفكرهم باليوم ده كل ماينسو".
وقال كارتر عبر حسابه الرسمي بموقع التواصل الاجتماعي "انستجرام": "ارجوكم راعوا حرمة الميت راعوا كسرة قلب أهل الفنانة الكبيرة خليهم يعيشوا حياتهم الطبيعية دول بشر زيكم علشان دموعهم مش سبق صحفي وكشف العورات مش هيتاخد عليه اوسكار وحالة الوفاة مش تريند ده قدر".
وتقام صلاة الجنازة على روح الفنانة الراحلة دلال عبد العزيز بعد ظهر اليوم الأحد الموافق 8 أغسطس 2021 من مسجد المشير طنطاوي بالتجمع الخامس.
