طفلة تحرر محضر تحرش ضد عامل بـ"كيدز إريا" بقرية هاسيندا

تداول رواد مواقع التواصل الاجتماعي "فيس بوك"، منشور يتضمن واقعة تحرش بطفلةتبلغ 9 سنوات بعدما أقدم عامل على ملامسة أجزاء من جسدها خلال لهوها مع أصدقائها داخل "كيدز إريا" بالساحل الشمالي زاعمًا أنه يلهو معها.

وجاء في المنشور أن الطفلة الشجاعة تداركت الموقف وأخبرت أهلها الذين تحفظوا على العامل واقتادوه إلى قسم شرطة العلمين لتحرير محضر له، وأخذ أقوال الطفلة؛ لتصر الفتاة ذات الـ9 على التوقيع على المحضر في خانة الشاكية بعدما وقع أحد ذويها على المحضر . 

وعلق أحد المتابعين على الواقعة ونشر صورة لمكان الواقعة وقال إنها في مجمع تجاري lake yard بهاسيندا باي الساحل الشمالي، مطالبا كافة الأهالي بتوخي الحذر وتوعية أطفالهم نحو هذه الوقائع.

وجاء في التدوينة: "انهاردة هنتكلم عن أصغر بنت عملت ومضت على محضر تحرش بنفسها.. فيه طفلة عندها 9 سنين كانت بتلعب مع أختها 7 سنين في (منطقة ألعاب أطفال) في العلمين"، وتابعت: "وسط اللعب كان فيه عامل نضافة (لابس لبس العمال المسئولين عن الأطفال) واقف وكل شويه يشوط الكورة لبعيد عشان البنت دي تروح تاخدها وكل ما تروح ييجي وراها ويلمسها". 

وتابع المنشور: "الطفلة دي متربية وسط أسرة عظيمة، ومامتها معلماها أن الأجزاء دي ما ينفعش حد يقربلها ولو حصل لازم تقول لأهلها بسرعة.. لما حصل الموقف ده أول مرة حست أنه ممكن يكون خبطها غصب عنه، لكن لما اتكرر كذا مرة عرفت انه قاصد ف سابت صحابها وقالتلهم إنها هتروح ترتاح شويه".

وأضافت: "الطفلة الشجاعة خرجت اتصلت بأهلها وفضلت قاعده على باب الـ kids area مستنياهم.. أول ما وصلوا حكتلهم اللي حصل بالظبط والأب اتحفظ على عامل النضافة واتصلوا بالشرطة وفهموا البنت اللي هيحصل.. الشرطة وصلت فوراً وفرغت الكاميرات اللي أكدت كلام البنت وراحوا كلهم على قسم العلمين".

وتابعت التدوينة: "في القسم كان لازم يتاخد أقوال الطفلة عشان تتسجل في المحضر والبنت كانت شجاعة كفاية أنها تحكي تاني اللي حصل بالظبط ووسط تفهم وتشجيع الظابط ليها، قررت تمضي بنفسها على المحضر وتحط اسمها لأنها مقتنعه أنها باللي بتعمله ده بتنقذ أطفال تانية كتير؛ وده طبعاً عمره ما كان هيحصل من غير الوعي والتقبل اللي اهلها ربوها عليه"، وأتمت: "الشخص ده محبوس حاليًا 4 أيام على ذمة التحقيق بتهمة هتك عرض قاصر، وإن شاء الله ياخد حكم رادع ليه ولأمثاله".