"أول مرة يحصلي كده".. بدرية طلبة توجه رسالة تحذير لـ مرضى الضغط
الثلاثاء 24/أغسطس/2021 - 02:23 م
حذرت الفنانة بدرية طلبة، مرضى الضغط من التعامل بصورة خاطئة مع المرض بعدما تعرضت لتجربة خاصة بها كادت أن تضر بصحتها.
وكتبت بدرية طلبة عبر حسابها الرسمي بموقع التواصل الاجتماعي "فيس بوك"، " خدو بالكو من موضوع الضغط دا طول عمرى ضغطى واطى وبتعامل وعارفه علاجه اى حاجة حادقه وخلاص".
وتابعت:" امبارح رايحة للدكتور علشان حساسية صدرى وكنت مرهقة وتعبانه قوى بعد التصوير وكان حد عايز يدينى حاجة حادقه او اى حاجة تعلى الضغط على اساس ان ضغطى واطى رفضت لانى كنت رافضة اى اكل بسبب ازمه صدرى وصلت عند الدكتور الله يباركله اول حاجة عملها قاس الضغط وكان ضغطى عالى جدا ولاول مرة تحصل ان ضغطى يكون عالى فابالله عليكم خدو بالكو من الموضوع دا بلاش تتعامل مع الضغط بالحلول اللى اتعودنا عليها قبل ما تقيس ضغطك وربنا يشفي ويعافي كل مريض".
