حسين لبيب: مش عارف أعمل احتفالية الدوري

وقال لبيب فى تصريحات لبرنامج أوضة اللبس، والذى يقدمه الإعلامى، أحمد حسام ميدو، إنه من يومين بالظبط دفعنا 300 الف دولار لاتشيمبونج بعد ما كانت الغرامه اكتر من مليون ونص ودفعنا لمستر جروس 600 الف دولار وسوينا مسأله كابتن حمدي النقاز وبدل ما كنت هدفع اكتر من 3 مليون دولار دفعت 900 الف بس. 

وأضف رئيس اللجنة المؤقتة التي تدير نادي الزمالك، الجمهور بيطالبنا بصفقات أو تجديدات طيب أنا هجيبهم منين وهعمل ايه وأحنا عندنا مديونيات اكتر من 30 مليون جنيه ومش معانا ندفعهم، أحنا استلمنا النادي مفيهوش أي فلوس ومشتكيناش وبنحاول نحل، لما نوفر فلوس ونقلل المديونيات ودي حاجه تحسب للجنه. 

وتحدث لبيب عن احتفالية نادي الزمالك وسبب تأخرها، موضحًا، أحنا بقالنا 20 يوم بنحاول نحل مشكله الرموز اللي رافضين يحضروا الاحتفالية لانهم متخانقين مع بعض لدرجه اني بفكر الغي الاختفاليه ، ولاد الزمالك مبيحبوش بعض يا جماعه حسوا بينا ولو دعيت الناس كلها انا متأكد ان هيحصل كارثه في الحفل.

وأتم، أحنا خدنا 6 بطولات من اصل 8 والناس بتقطع فينا وفي بعض اللي بيسموا نفسهم زملكاويه عاوزين يوقعونا ويفشلونا ويطلعوا منظر الزمالك زي الزفت ولو عملنا الحفله دي هبقى بديهم فرصه لكده ، مش معقول اضيع 7 اجتماعات عشان مش عارف هدعي مين للحفل احنا كنا عاوزين نفرح بلاعيبتنا مش اكتر.