حسين لبيب: أشعر أن هناك إعلام "موجه" ضد نادي الزمالك

وقال لبيب فى تصريحات لبرنامج أوضة اللبس، والذى يقدمه الإعلامى، أحمد حسام ميدو، إنه - ظهر اليوم لاني حسيت أن التعاقد مع التونسي حمدي النقاز فتح أبواب جهنم على نادي الزمالك، أنا حاسس من الهجوم أن الزمالك خسر كل البطولات رغم اننا في 4 شهور فقط توجنا بكل البطولات في كل الالعاب.

وأضاف رئيس اللجنة المؤقتة التي تدير نادي الزمالك، مباخدش كل الانتقادات بشكل شخصي ومن حق كل شخص ينتقد حتى قناه الزمالك من حقها تنتقد احنل مبنقولش لحد يقول ايه لكن حاسس اني في بعض الاعلام الموجه ضد مصلحه نادي الزمالك مش ضدنا كلجنه.

وأردف بالنسبه لحمدي النقاز مش بنبص من جهه واحده بس، أحنا كان علينا مديونيات حوالي 7.9 مليون دولار ونزلناهم لـ 2.3 مليون دولار و سوينا قضايا حجمها 8.7 مليون دولار وهندفع بس حوالي 160 الف دولار.

وتابع أحنا مش بندافع عن حمدي النقاز وهو ممكن يدافع عن نفسه، أحنا مكناش هنقدر ندفع 21 مليون جنيه الفتره الجايه، وكل اللي عملناه اننا هندفعهم تقريبا على 3 سنوات وتعاملنا مع الملف بالشكل الامثل للنادي، أحنا عارفين انها هتضر بينا كأشخاص ولكننا تعاملنا باللي يفيد مصلحه النادي أحنا مش بنبص على انتخابات وفي مدير فني هو يحدد هيلعب ولا هيتباع ولا هيتحط انتظار.