محمد صلاح عن حمدى النقاز: "إزاى ترجع لاعب علم عليك مرتين" (خاص)

انتقد محمد صلاح، مدرب الزمالك السابق، عودة التونسى الدولى حمدى النقاز، من جديد لصفوف الفريق الأول لكرة القدم فى القلعة البيضاء، وذلك عقب الأزمة التى أثارها بعد هروبه من النادى.

وقال محمد صلاح فى تصريحات خاصة لـ"مصر تايمز": "الزمالك وقع فى خطأين فى موضوع النقاز دا، أول مرة هرب وسابنا، وتانى مرة اللاعب كان عارف انه هيخسر القضية عشان كدا رجع الزمالك ف ليه ترجع اللاعب دا، فالمشكلة الكبيرة هنا أن التخطيط مش سليم".

وأضاف: "وبعدين بنجيب باك يمين تانى ليه وانت عندك فى المكان دا عناصر كويسة"، وأكد: "النقاز هو المستفيد من هذه الصفقة سواء على المستوى المادى "خد فلوسه"، وعلى المستوى الفنى أيضًا".

وانتقل للحديث عن أوضاع الزمالك: "الزمالك كان مستقر، لكن تقولى لجنة مؤقتة تقعد 4 شهور والكلام دا عمرك ما هتلاقى استقرار، وبشكر اللاعيبة انها قدرت تاخد بطولة فى الوقت والظروف دى، وربنا بيقف مع الزمالك عشان جماهيره".

وعن تصريح حسين لبيب عن إلغاء احتفالية الدورى بسبب خلافات أبناء الزمالك، قال: "هما عايزين يوصلوا للناس أن النادى منكسر ومتزعزع وفى مشاكل والناس بتكره بعض، والكلام دا محصلش أبدًا، وأبناء الناس مش محتاجين دعاوى ولا عزومات عشان نحضر الاحتفالية".