محمد عطية يرسم "تاتو" رابع على جسده بإسم أهم شخصية في حياته
الثلاثاء 12/أكتوبر/2021 - 03:58 م
كشف الفنان محمد عطية عن رابع "تاتو" رسمه على جسده ، من خلال صورة نشرها عبر حسابه الرسمي بموقع التواصل الاجتماعي "انستجرام".
أوضح عطية خلال الصورة كل "التاتو" المرسوم على جسده، ومنهم آخر واحد رسمه باسم "سامية"، أنه كتب اسم والدته لأنها المرأة الوحيدة في حياته التي تستحق أن يكتب اسمها على جسده.
وكتب: "إمبارح عملت رابع تاتو فجسمي … أكتر تاتو كان نفسي أعمله … (سامية) اسم أمى … أهم شخص فحياتي والإنسانة الوحيدة اللى تستاهل يكون إسمها على جسمى ما يطلعش منه".
وتابع: "أمى هى أقرب صديق ليا .. بتعرف تتقبلنى مع كل تغيير بيحصل في تفكيرى وفحياتى حتى لو مش متناسب مع أفكارها وتقاليدها وعادتها … أمى عرفت تعمل اللي أغلب الناس فى مجتمعنا فشلوا يعملوه … قدرت تفهم مقولة من اكتر المقولات اللى صعب الناس تعرف تطبقها وهى "لا تربوا أولادكم كما رباكم آباؤكم، فقد خلقوا لزمان غير زمانكم".
وأكمل: "أمى عارفه كل أسرارى وملجأ ليا في أى أزمة … مهما كبرت بفضل ضعيف من غيرها … أى حاجة وصلتلها وأى حاجة قدرت أحققها هى كانت سبب مباشر فيها … أمى هى الشخص اللى فضل مؤمن بيا حتى في الوقت اللى أنا فيه فقدت الأمل والثقة فى نفسي … أول مكالمة تليفون لأي شغل بيجيلي بتكون ليها … الدعوة اللى بتدعيهالى فى أخر كل مكالمة قادرة تحول أي مشكلة أو هم لشئ سهل وبسيط … سامية أكتر حد فاهمني ومستحملنى بكل عيوبى وأخطائي".
