والد ياسمين صبري يهاجمها: كدابة وجوزها الأول طلقها بسبب أمها (صور)

وعلق "صبرى" على الصور قائلا " بعد ماسمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟..اصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها.

وتابع" الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟ انا عملت لها حياة كريمة راقية ومحترمة وماكنتش فاكر ان الرد حيكون كده والسر اللي الناس ما تعرفوش انها اتطلقت من الراجل المحترم الدكتور ده بسبب امها لانه حكالي وقالي امها خربت بيتنا..واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده..وحسبي الله ونعم الوكيل".

وقالت الفنانة ياسمين صبري، عن علاقتها بوالدها "مفيش علاقة بيني وبين والدي لكن الانفصال مش سبب لأن الناس بتاخد اختيارات في حياتها، وفي ناس بتختار تتحمل مسئولية وتكمل للآخر وناس تانية بتختار نفسها".

أضافت ياسمين صبري إنها عاشت طفولتها مع جدها وجدتها من ناحية الام نظرا لانفصال والديها وهي بعمر صغير وإنها لم تكن تملك الرفاهية التي يملكها الأطفال في مثل عمرها بل كانت جدتها تربيها مثل والدتها نظرا لسفر الام التي كانت بطلة في السباحة.