صديقة ياسمين صبري: "اللي أبوها نشره يثير إشمئزازي.. وافتكرها لما بقت مشهورة"

كشفت لبنى عروس صديقة طفولة الفنانة ياسمين صبري تفاصيل جديدة حول العلاقة بين ياسمين ووالدها أشرف صبري بعد هجومه الأخير عليها.

وكتبت صديقة ياسمين صبري عبر حسابها بموقع "فيس بوك":  "أنا حاسة بغضب شديد جدا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي إنت مين، إنت كنت فين، إنت جيبت عربية، إنت صرفت عليها جنيه إنت تعرف إيه عنها".

وأضافت عروس: "إنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي".

واختتمت صديقة ياسمين صبري "ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل".