"حطوا فى عينكم حصوة ملح".. الباز يهاجم دويتشه فيلة بعد انتقادها لاحتفالية طريق الكباش

وعلق "الباز"، خلال برنامجه "آخر النهار" المُذاع على قناة "النهار": "التقرير جايب معلومات كتير عن الحفل، وطول طريق الكباش، وبعدها يقول وعارض كثيرون الاحتفال"، متابعا:  "الجماعة دول لو نزل ملاك من السما مش هيعجبهم برضو، لأن رغم قناعة العالم كله بأهمية ما جرى في أسوان، وأن هناك شيء حقيقي ومبهر يحدث على الأراضي المصرية، لكن قناة زي دويتشه فيلا تقول تسيب كل دة وتقول في معارضين للاحتفال، وبدل ما يطوروا المعابد يشوفوا المجاري".

وأردف: "في نوع من التدليس، وأعتقد أن الهيئة العامة للاستعلامات بتتواصل مع الناس دي، ولازم يتقال للناس دي حطوا في عينكم حصوة ملح، مينفعش يقودكم الحقد والكراهية أنكم تسيبوا كل اللى حاصل، وتمسكوا في كلام اتنين أو تلاتة كاتبين أي كلام على السوشيال وتاخدوه وتصدروه".

ولفت "الباز"، إلى أن ما يحدث على أرض مصر إنجاز بكل المقاييس، لأن هناك اهتمام بالتاريخ والحضارة، والترويج للآثار المصرية، فنحن بلد الآن يسترد روحه وتراثه.