حمو بيكا: "بأخد حقنه ثمنها 45 الف جنية"
الأربعاء 22/ديسمبر/2021 - 05:15 م
خرج مغني المهرجانات حمو بيكا في بث مباشر، على جمهوره عبر موقع التواصل الاجتماعي "فيس بوك"، ليشكو من ضعف عدد مشاهدة أحدث مهرجناتة، "لما انزل تراك على يوتيوب اللي عندي فيه 5 مليون متابع ويتشاف 11 ألف مرة كده يبقى في مصيبة وقلة أدب يا عم مارك شوف لنا حل"
وتابع خلال البث المباشر: "الصينيين بيجيبوا 35 مليون مشاهدة في يوم عشان بيحبوا بعض، احنا هنا بنبص لرزق الناس، شاكوش فتح كافيه، النهاردة الافتتاح وكلنا رايحين له، وقدورة كمان راح عمل كافيه خلاص الفنانين زهقو من الحياة، وعمر كمال فتح ستديو وقاعد يتفرج علي، ابقى كُل مخلل".
وقام بتوجيه رسالة لمارك صاحب شركة ميتا: "أنا طالع أبلغ مارك رسالة، انتوا كده كده معانا عالعومة، ناجحين انتوا معانا ساقطين انتوا معانا احنا كلنا في مركب واحدة، كلنا هنشحت ونشوف لنا جامع، يارب تصرف اللي بصرفه، أنا تعبان وميت وباخد حقنة بـ45 ألف جنيه، خدوا فلوسي وأدوني صحتي، صحتي كلها راحت بعد عملي في هذه الوظيفة".
وأكمل خلال البث المباشر: "إذا استمع له 10 أشخاص فقط، فسوف يكمل مسيرته الفنية، ولن يتوقف مهما حدث، أنا في الإنجليزي سُفلى، مالهم الخرفان مهنتي ومقدرش استغنى عنها، هو أنت تطول تشتغل جزار، أجدادي وأهلي كلهم شغالين المهنة دي".
وكان قد طرح مطرب المهرجانات حمو بيكا مهرجان "ضحكتها مزيكا" أمس الثلاثاء، من غناء حمو بيكا وفيلو ونور التوت ومودي امين، توزيع فيجو الدخلاوي .
