الرئيس يوجه بمنع البناء على جوانب المحاور الجديدة.. ويؤكد: مسؤولية القوات المسلحة والداخلية
السبت 25/ديسمبر/2021 - 02:03 م
وجه الرئيس عبد الفتاح السيسي، اليوم السبت، بعدم البناء على أجناب المحاور الجديدة، قائلاً، "بقول الكلام ده لأنى بخاف الناس تتعدى وتبنى على المحاور دى، إدرسوا الطرق دى، وقلت عدم البناء على أجناب المحاور بعمق كيلو متر مسؤولية وزارتى الدفاع والداخلية، اللى بانى خلاص بس الوضع القائم ميتغيرش".
ودعا الرئيس عبدالفتاح السيسي، اليوم السبت، وزارة التجارة والصناعة إلى إنهاء البيروقراطية بشأن المجمعات الصناعية، قائلا: "لو معملناش كده مش هانقدر نحقق النجاح اللى بنتمناه".
وقال الرئيس السيسي، "الهدف الرئيسي لإنشاء المجمعات الصناعية هو توفير فرص العمل ورفع معدلات التشغيل، بقول دايما للناس اللي معايا أهم حاجة بالنسبالي إن المواطن يشتغل ويرجع بيته بقرشين لولاده حتى لو إحنا مش هنستفاد بحاجة".
ووجه الرئيس عبد الفتاح السيسي، اليوم السبت، بدراسة تقنين أوضاع المصانع غير المرخصة، خلال حضوره احتفالية افتتاح عدد من المشروعات القومية الجديدة بالصعيد.
وقال الرئيس السيسي، وزارة الداخلية تضبط يوميًا مصانع بدون تراخيص "دول ناس حاولت تشتغل" فلماذا لا يتم شرعنة هذه المصانع لتعمل بشكل رسمي؟.
وأضاف الرئيس السيسي خلال افتتاح عدد من المشروعات القومية في الصعيد،: "اشرعنه واقنن وضعه.. مسكناك غلط تعالى نعمل الصح.. لو مسكتوا مجموعة مصانع في القاهرة طيب أقرب منطقة فين؟، أقله تعالى اتحرك واشتغل ووقنن وضعه ومش بنقنن الوضع علشان اخد منه حاجة، واوعى تكون فاكر أن بنتصيد الغلط.. انت حاولت حتى لو غلط، إحنا معاك في المحاولة بس متعملش غلط".
