والد الطفل المطرود من المدرسة بسبب 80 جنيه: كسروا بخاطره علشان احنا على قد حالنا (خاص)
الأحد 01/نوفمبر/2020 - 01:08 م
قال أشرف سيد، والد الطفل ياسين الذى طردته مدرسة بمدرسة الشهيد رامى بمدينة بدر لعدم استكمال سداد باقى مصروفاته المدرسية وهى 80 جنيها، "ابنى ياسين فى أولى إبتدائى ومصروفاته فى مدرسة الشهيد رامى بمدينة بدر 300 جنيه دفعت المصروفات وكان فاضل 80 جنيه" .
واستطرد فى تصريحات خاصة لـ "مصر تايمز" قائلا "ياسين كان فرحان ونايم واخد الكتب فى حضنه ولما راح تانى يوم المدرسة قالتله فين باقى المصروفات قالها لماما بابا يقبض راحت واخده منه الكتب وطردته وكسرت بخاطره علشان 80 جنيه واحنا ناس على قد حالنا".
وقال والد الطفل "ابنى متواجد حاليا فى المنزل ومكسور الخاطر علشان كان نفسه يكون فى المدرسة والمدرسة كسفته وسط أصحابه".
