شاهد عيان عن حادث طريق الدائري الاوسطي:"ده طريق الموت وفى حاجة هناك غلط"
الأربعاء 05/يناير/2022 - 03:00 م
قال "أسامة" أحد الشهود العيان على حادث اصطدام أكثر من 11 سيارة بطريق الدائري الأوسطي، تقاطع محور الأوتوستراد، أن السبب الأساسي وراء وقوع الحادث على هذا الطريق الذى سماه بـ"طريق الموت"، هو وجود مطبات عالية بذلك لطريق وهي التى تؤدي لانقلاب وتصادم السيارات ببعضها.
وأضاف "أسامة": يا جماعة فيه حاجه غلط فى تصميم الحتة دي من الطريق الدائري الأوسطي واللي بتستخدمه تقريبا يوميا رايح جاي.. دي مش أول حادثه بالشكل ده .. الطريق لسه جديد وفيه مطبات هواء تودي اي عربية في داهيه .. ده غير الطريق منحدر بإنحناء صعب جدا يخلي أي حد مش مركز أنه بسهوله يفقد السيطره علي العربية".
واستكمل: "حدث ولا حرج عن سلوك العربيات النقل الكبيره علي الطريق ده بالتحديد.. نفسي أعرف مين اللي بيصمم الطرق دي و مين اللي بيقبل بإنه يستلمها كده طريق الموت".
البداية بتلقى غرفة عمليات النجدة، بلاغا بوقوع حادث مرورى بنفق الأوسطى تقاطع محور الأوتوستراد، وعلى الفور انتقل رجال المباحث الى المكان.
وتبين اصطدام 11 سيارة وهم "سيارتى نقل ثقيل و 7 سيارات ملاكى و سيارتى ميكروباص" نتيجة للسرعة الزائدة من تريلا ونتج عنها وفاة شخص وإصابة 3 آخرين و نقلوا الى المستشفى، كما نتج عن الحادث اشتعال النيران في 4 سيارات وتمت عملية الإخماد وقامت إدارة المرور بغلق النفق بالكامل وإجراء تحويلة مرورية لحين إزالة حطام الحادث.
