مؤسسة ائتلاف أولياء أمور مصر تستعرض الاستعدادات للاسئلة المقالية لامتحان نصف العام

طرحت داليا الحزاوي، مؤسسة جروب ائتلاف أولياء أمور مصر، سؤاًلا على أولياء الأمور عبر الجروب، قائلة: استعديتوا ازاي للاسئلة المقالية لامتحان نصف العام، للصف الاول والثاني الثانوي؟، وقد لاقي السؤال تجاوبا من اولياء الامور.

فاجمع اغلب اولياء الامور ان مدارسهم لم تقم بتدريبهم علي مثل هذه النوعية من الاسئلة.

وقالت ولي أمر: "الاولاد فى اولى ثانوى هيمتحنوا بعد اسبوعين ومافيش تدريب على التاب اللى المفروض هيستخدموه وكمان بالاضافه للامتحان، هيفتحوا منه الكتب والمفروض يتدربوا على كل حاجه لوحدها، وعلى الاتنين مع بعض.

وأضافت اخري : فعلا الولاد تايهين و مش فاهمين يتعاملوا ازاى مع التابلت، ولو فتحوا المنهج منه اثناء الامتحان ما كده ممكن الامتحان يتقفل.. هما لم يتم تدريبهم على اى شئ  فيه.

واستكملت ولي أمر اخري : الولاد مش عارفين الأسئلة المقالية هتكون إزاي وعبارة عن اية ومفيش حد دربهم عليها والسنة اللي فاتت لماكانوا في أولي ثانوي مكنش الامتحانات فيها مقالي والمشكلة أنه قبل الإمتحانات باسبوع يحدث تغيير مفاجيء لنمط الأسئلة وأولادنا مدربوش عليها.

 

واشارت الحزاوي : انه يجب علي المدارس مساعدة طلاب الصف الاول والثاني الثانوي علي التدريب علي الاسئلة المقالية في جميع المواد و الاهتمام بتنشيط ذاكرة الطلاب في كتابة مواضيع التعبير والترجمة.

كما أضافت أيضًا: "أننا نرجو من الوزارة  الاهتمام بتدريب الطلاب علي كيفية تصفح الكتب الالكترونية من التابلت وتقسيم الشاشة وكيف يتم  ذلك اثناء الامتحان من خلال فيديوهات مبسطة يتم نشرها، ونرجو من الوزارة تحميل امتحانات استرشادية للطلاب علي التابلت كنوع من التجربة للطلاب علي كيفية الاجابة وتصفح الكتب الالكترونية لكي يستطيع  الطالب من خلالها معايشة اجواء الامتحان.

وكانت وزارة التربية والتعليم، أعلنت أنه تقرر يحتوي الامتحان على قسمين،  أحدهما "إلكترونى" يتم تصحيحه الكترونيا من اسئلة متعددة الاختيارات ويمثل 70% تقريبا من درجة المادة، ووالثاني "مقالى ورقى" يتم وضعه من قبل المديرية أو الإدارة التعليمية ويمثل باقي الدرجة للمادة (30٪؜) ويتم تصحيحه من قبل معلمي المدارس.