"خدوا فلوسه وهددوه".. مواطن يحذر من التعامل مع شركة بالم هيلز

اللي حصل معايا إني مقيم حاليا خارج مصر ونزلت لمصر علي اساس اني هشتري وحدة سكنية في منطقة من المناطق الجديدة وفعلا تواصلت مع حد من السماسرة وهو دلني علي مشروع Badya التابع لمجموعة بالم هيلز للتطوير العقاري!!".

وتابع "روحت مكتبهم اللي في ٦ اكتوبر يوم الاحد ١٩ ديسيمبر وقابلت واحدة من مسئولي البيع وقالتلي معلومات كثير مش دقيقة ومش امينة خصوصا عن موقع المشروع وقربه من العمران وتفاصيل خطة الاسعار وتوزيع الاقساط وغيرها!! يومها هيا طلبت مبلغ ١٦٥ الف جنيه كمقدم تعاقد علي الوحدة وطلبت دفتر شيكات للاقساط! وسالتها وقلتلها اني لسه محتاج افكر تاني خصوصا اني من المنصورة وماعرفش المكان هنا كويس قالتلي بالنص "حقك وليك تفكر لحد يوم التعاقد نفسه واستمارة الحجز دي مجرد عشان نحجزلك الوحدة بدل ماحد ياخدها لحد يوم التعاقد بتاعك" وفعلا حاولت ادفع الفلوس بالفيزا لكن اكتشفت ان اقصي حد للسحب بالفيزا اليومي خمسين الف جنيه وفعلا دفعتهم علي اساس ان بكرة الاثنين هعمل تحويل بنكي او هكتبهم في الشيكات اللي هطلعها!!".

قال "ممكن يكون جزء من الخطأ عندي لان من طبيعتي الثقة في الناس وغالبا قعدتي بره فترة وتعودي علي الامانة في وصف الموضوع من البائعين خلتني اصدق اللي بتقوله-المهم تاني يوم الاثنين ٢٠ ديسمبر الصبح روحت البنك اللي بتعامل معاه واكتشفت ان ماينفعش يطلع دفتر شيكات لان حسابي توفير ولازم احول حسابي لحساب جاري ويفوت عليه ٣ شهور عشان اطلع الدفتر وللاسف انا كنت راجع بره مصر اول يناير فماكنش فيه وقت!! 

وتابع "قولتلها ان كلامها كان واضح وصريح وتقصدي او ماتقصديش انا مش هدخل نيتك انتي مندوبة بيع ولازم تكوني امينة وصريحة وواضحة في كلامك للناس!! كلمت السمسار اللي وداني واكد علي كلامي وغلطها وقال يمكن حصل سؤ تفاهم بس ووعدني بانه هيكلم مدير هناك ومفيش مشكلة خالص وفلوسك هترجع بس هتاخد ١٤ يوم!! 

بعد كام يوم كلموني تاني وقالولي اجي اقعد قعدة تاني في مكتبهم في ٦ اكتوبر عشان نخلص الموضوع !! روحت يومها مع زوجتي لكن اتقال لينا كلام تاني خالص !! اصرار غير طبيعي علي اننا نكمل التعاقد وانهم ممكن يخلونا ناخد وحدة تانية اصغر مساحة لكن لو هنلغي خالص فننسي الفلوس وكلام معناه اخبطوا راسكوا في الحيطة ومفيش فلوس بترجع عندنا!! ".

وقال فى شكوته " لدرجة انها قالتلي عايز فلوسك يبقي هتروح لياسين منصور نفسه صاحب الشركة!!! زوجتي سالتها طيب احنا لسه علي البر وبتعملوا كده اومال لو حد دفع فلوس التعاقد نفسه او مشي في اقساط وحصلت مشكلة معاه لاي سبب هتعملوا فيه ايه بقي!! وكان ردهم انا ماستوعبتوش الحقيقة!! دللوا بانهم متساهلين بحالة واحد كان حاجز معاهم وزوجته جالها كانسر وماكنش قادر يوفي اقساطه نتيجة مصاريف علاج زوجته!! فطلبوا منه تقارير المستشفي وفواتير العلاج الكيماوي وحسابه في البنك ومايثبت انه بيصرف علي علاجها وان دخله اتاثر والكلام ده خد شهور علي مايرضوا يدوله فلوسه!! ".

وقال وللاسف برده انا كنت بصر انهم يردوا عليا قبل ماسافر وعرفتهم ميعاد سفري عشان اشوف هعمل ايه!! لكنهم قعدوا يماطلوا ومفيش اي محاولات نفعت معاهم لحد ماسافرت وفعلا اللي  كنت متوقعه حصل بعد سفري بيوم واحد بعتولي ايميل ان الفلوس هتتخصم ومفيش حاجة راجعة مع رسالة تهديد اني لو اخدت اي خطوة فهما هيطالبوني برقم اكبر من اللي خدوه!! وبعتولي تهديد تاني عن طريق السمسار ان مش من مصلحتي ااقول لحد او اتكلم في اللي حصل ياما هيطلبوا مبلغ اكبر من اللي اتسحب!!".

وقال "تم التواصل مع صفحة الشركة وبيوعدوا بحل المشكلة بكرة الخميس!! لكن الحقيقة ده شبه وعود كثيرة قالوها قبل كده ومش عارف نيتهم ان الامور تهدي بس وخلاص ولا ناويين يردوا الحقوق فعلا!!"، مضيفا أن مسئول السوشيال ميديا من شركة بالم هيلز اتواصل معايا النهاردة الخميس فعلا لكن هو اكدلي ان المبيعات علي نفس كلامهم وموقفهم!! ومسئول السوشيال ميديا في شركة PalmHills developments كلمني وقالي ان الشركة رافضة ارجاع الفلوس ورافضة كل الحلول البديلة اللي انا قدمتها ليهم في سبيل حل المشكلة!! هو عامة غلطني كمان وقالي بالنص "انت اللي غلطان انت اللي ماجبتش محامي معاك وانت جاي تتعاقد معانا" ولما سالته انتوا هتاخدوا الفلوس دي نظير ايه ؟! قالي بالنص برده "مجيتك لحد باب شركتنا مش ببلاش فيه فلوس اعلانات وسمسرة للبياعين لازم ياخدوها!!".