مبروك عطية لزوج قتل زوجته بسبب خلعه: " تتخلع من الدنيا أنت وأبوك وأمك"

وتابع عبر صفحته على موقع التواصل الاجتماعى فيس بوك، " يعني أنت ولا الرسل .. الرسل نفسهم اتهزأوا هتطلع أنت مين فى الرسل يا ابني"، متابعا،" الطلاق حق الرجل والخلع حق المرأة".

وكان الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، قد علق ردًا على سؤال ورد إليه من أحد المتابعين يقول فيه أن: زوجتي مصممة تكون أمها موجودة ليلة الدخلة ومتجوزها بقالي شهر ولحد دلوقتي مش عارف أمارس حقوقي الشرعية؛ لأنها كل مرة بتعيط وعايزة أمها جنبها فما رأي حضرتك".

ورد مبروك عطية، خلال مقطع فيديو بثه على قناته على يوتيوب: "من الحكمة التي تعملتها من كتاب ربنا إني لا أتسرع وأقول، أمها ليه تبقى معاها وعيب وميصحش كدا"، متابعًا: "لا بأس كتكوكة صغيرة عايزة تطمن لوجود أمها معاها".

واستطرد عطية: "وماله تنور أمها وتشرف وتقعد في غرفة مجاورة، والبنية تبقى مستأنسة بأمها وتعدي الليلة البيضا إيه المشكلة، هي مرتبطة بأمها والموضوع دا قلق بالنسبة لها وخوف ويا مامي".

وتابع: "لما مامي تيجي هتقولها متخفيش يا حبيبتي وكلنا كدا مفيش حاجة، وهتسليها وتصبرها لغاية ما تعدي وساعتها هتقول على أمها قاعدة ليه ومضيقة علينا ليه ومكتمة علينا ليه".

واختتم: "عالجوا الحياة، الحياة عايزة معالجة، فلو عايزة ماما روح هات ماما بأوبر أو بتوكتوك مش بالموبايل حتى، ساعتها هتقابل ماما وهتاخدها في حضنها وهتقولها عايز يعمل قلة أدب، لكن هتفهما وتقولها دا شرع ربنا وهتفهما والدنيا هتعدي احنا عايزينها تعدي".