رضا عبد العال: الزمالك يتعرض لمؤامرة ومصر لم تستفيد مني في التدريب
السبت 19/فبراير/2022 - 12:10 ص
أكد الكابتن رضا عبدالعال، نجم الأهلي والزمالك منتخب مصر السابق، أن نادي الزمالك يتعرض لمؤامرة ولكن المؤامرة من أولاد النادي على الكرسي، مضيفا: "مصر لم تستفيد مني وأنا بتكلم صح والناس بتحب تتفرج عليا عشان بقول الصح، ومصر لسه مستفدش مني في التدريب ولا الكلام اللى بقوله وبحمد ربنا على أي حاجة".
ورد رضا عبدالعال، خلال حواره ببرنامج "حبر سري" مع الاعلامية اسما ابراهيم، على قناة القاهرة والناس، على رأيه في أفضل اللاعبين موهبة بين شيكابالا وقفشة وحازم امام، قائلا: "حازم إمام هو أعلى مهاريا ويفرق عنهم لأنه كان بيلعب برجله الاثنين ولكن شيكابالا وقفشة بيلعبوا برجل واحده".
وعن رأيه في المهرجانات قال: "المهرجانات حاجة مش وحشة وجديدة وموضة وماشيه مع الافراح وهاني شاكر تحامل عليه شويه والمفروض كان يجيبهم النقابة وينبهم وينذرهم مش طرد علطول، وفى ناس كتير فاتحه بيوت ناس من فرق المهرجانات ويا ريت هاني شاكر يعيد قراره ويحط معايير جديدة".
