"ده بني آدم مش قطة".. والدة ضحية الدهس بالدقهلية تناشد وزارة الداخلية بالقبض على المتهم (فيديو)
السبت 12/مارس/2022 - 10:38 م
كشفت والدة الشاب عمرو ابن محافظة الدقهلية الذى توفي بعد معاناة فى العناية المركزة لمدة 4 أيام بعد تعرضه لحادث دهس أثناء تواجده مع زملاءه تفاصيل الواقعة.
وقالت فى بث مباشر ل " مصر تايمز"، " عمرو كان شاب زى الفل وبيدرس فى كلية التجارة وهو واقف مستني أصدقائه بيسحبوا فلوس من الماكينة جات عربية طائشة دهسته وعدت عليه بسرعة جنونية"، موضحه أن الحادث نتج عنه إصابة نجلها بكسر مضاعف فى الحوض ونزيف داخلي وتم استئصال الطحال ودخل فى غيبوبة لمدة 4 أيام قبل أن يتوفي".
وتابعت والدة الشاب عمرو لـ"مصر تايمز": " المتهم خرج من الحبس قبل ما عمرو يتوفي وحكموا عليه ب3 سنين بس حاليا هو هربان وابني مات" ، مضيفه قائلة" ابنى بني آدم مش قطة وعايزة حقه واللي قتله قتله عمد مش قتل خطأ لان اللي بيقتل خطأ بيقتل لما حد يطلع قدامه صدفة إنما اللي قتل ابنى قتله قصد لان كان في ناس كتير موجودة مش ابني بس".
وناشدت والده الشاب عمرو وزارة الداخلية وجهة تنفيذ الأحكام فى الدقهلية بسرعة ضبط المتهم حتى يكون عبرة لغيره قائلة" علشان محدش يموت الناس ويفتكر انه هيفلت منها".
