زوج أنيسة حسونة يروي تفاصيل الساعات الأخيرة قبل وفاتها ( فيديو)

قال ناجي خلال مداخلة هاتفية إلى برنامج "كلمة أخيرة" الذي تقدمه الإعلامية لميس الحديدي على قناة "ON" إن: "ليلة تكريم السيدة انتصار السيسيـ تفاجأنا باتصال يخطرها بتكريم حرم الرئيس عبدالفتاح السيسي لها وقالت لي وقتها (هروح إزاي بحالتي دي)، وكانت رجليها مش شايلاها وقلتلها (هتروحي)، ومن هنا جاءت فكرة الكرسي المتحرك".

تابع: "التكريم رفع بشكل كبير حالتها المعنوية ورجعت فرحانة وقالت (حسيت إن الدولة بتطبطب عليا)، ورديت وقولت ليها (مش الدولة بس اللي بطبط عليكي، ربنا طبطب عليكي) وفضلنا طول الليل إمبارح نعمل أشاعات وفحوصات ورجعت منهكة وتعبانة البيت ونامت وكانت يادوب بتروح الحمام بمساعدتنا طول الليل، كان توتر وتعب ومكانتش قادرة تعمل معانا أي حركة، والصبح قعدت ربع ساعة أو نص بالكتير وأمر الله نفذ".

 

أكمل: "ربنا يتولاها برحمته والحمد لله على ماقدمته وخيرها ودعاء الناس    مفروش أمامها قبل ماتموت"، معربًا عن امتنانه الشديد لتكريمها في أخر أيامها لأن هذا أشعرها أن الدولة تعطي اهتمام وتقدير لها. 

لفت إلى سنوات المرض كانت قاسية عليها لكن عزيمتها كانت قوية، متابعًا: "هفتقد كل شيء بشكل كامل بعد وفاتها، وبعتبر نفسي محظوظ أن شريكة حياتي كانت أنيسة حسونة".