الرئيس فى حوار ودى مع صاحب فرن: إيه سبب غلاء العيش الحر

أجرى الرئيس عبد الفتاح السيسى، جولة تفقدية مساء أمس الجمعة في منطقة مصر القديمة والقاهرة التاريخية لمتابعة سير العمل بعدد من المشروعات القومية.

وتوقف الرئيس للحديث مع صاحب أحد الأفران،خلال جولته التفقدية وسأله عن سعر الرغيف الحر "بتبيعه بكام بصراحة؟"، ليرد صاحب الفرن :"والله بنص جنيه الرغيف"، فرد الرئيس:"يبقي أقل من تمنه.. يعني انت بتبيع الحاجة بأقل من تمنها؟.. إذا كان هو بيتكلف 65 قرش، بتبيعه انت بـ 50 قرش؟!، ثم سأله الرئيس :"بتعمل كام ألف رغيف في اليوم؟"، ليرد عليه العامل :"يعني حوالي 15 ألف".

ووجه الرئيس السيسى سؤالًا آخر للعامل:" سبب الغلاء للعيش الحر في بقية الأسواق ليه؟". ليرد شاب آخر كان واقفًا بجواره:" بسبب الارتفاع العالمي عمومًا"، وهنا تدخل الرئيس:" انت مالك بالعالمي، هو احنا زودناه عليكم؟.. إحنا مش بندي الدقيق من وزارة التموين بالحصص سواء كانت للخبز المدعم أو الغير مدعم؟.. أكبر دورة ربح هي الدورة اليومية، أنا كل يوم بعمل رغيف بكسب، مش زي السلع والبضائع التانية بتقعد أسبوع، يعني انا لو بكسب في الرغيف ريال وانا بعمل كل يوم 10 آلاف رغيف يبقي مكسبي في اليوم 4 آلاف جنيه ومحسوب فيهم دورة التشغيل، يعني في الشهر 120 ألف جنيه .. هل ده رقم قليل لمخبز واحد بيعمل 10 آلاف رغيف فقط في اليوم ؟.. أنا مش بتكلم في رحمة ومش رحمة، أنا بتكلم فى اقتصاد بقول أي واحد عنده محل أو مصنع عايز يكسب منه، وأنا معاه عايزه يكسب ويعيش إنما بالعقل".

وقال مواطن آخر للرئيس خلال جولته" أنا بقالى كذا سنة فى الكويت وجيت بلدى ولقيت شغلى أنا ماسك فرش الوحدات.. وأنا من ضمن المتضررن فى الكيلو 4.5 علشان كده بنراعى ربنا.. وبنكشر حضرتك إنك جبتنا من الغربة ولقينا شغل فى بلدنا".

وقالت سيدة أخرى للرئيس" ربنا يخليك لينا أنا ربنا بيحبني انى شفتك والله أنا مش مصدقة.. ربنا يخليك لينا يا ريس"، وسأل الرئيس طفلة عن مشاكرتها فى التعليم قائلا " أغلى حاجة تقدموها لأولادكم هو التعليم الكويس".