أول تعليق من محمد أنور بعد الهجوم عليه بسبب برومو رامز جلال وجواهر (خاص)

وتابع محمد أنور فى تصريح خاص لـ" مصر تايمز" قائلا :" المطربة جواهر فنانة قديرة وكلنا بنحبها ومحدش يقدر يغلط فيها".

وظهر الفنان محمد أنور فى برومو البرنامج الرمضانى " رامز موفى ستار" وهو يصرخ وعقب ذلك نشر على صفحته الشخصية على موقع التواصل الاجتماعى " فيس بوك" الصورة وعلق قائلا " هو انا مالي كنت شبه الفنانة جواهر كدة ليه.. منك لله يا رامز" وانهالت تعليقات الهجوم عليه عبر صفحته وقال أحد رواد الموقع "جواهر برقبتك".

وكان الفنان محمد أنور قد قال فى تصريحات له ببرنامج "سهرانين" مع أمير كراره : "اشتغلت حاجات كتير في النقاشة والمحارة والمطاعم والكافيهات، وبالنسبة للنقاشة انا كنت صبى عند مصطفى خاطر عشان هو كان الأسطى، وحمدى الميرغنى كنت أنا أسطى عليه وقتها عشان جيت قبله بيوم واحد".

وتابع محمد أنور: "واشتغلت شغلانة غريبة بس كانت محترمة، كنت بحضن واحد وهى إن الأسطى كان بيعمل السقف المعلق وكان أصعب مكان يتعمل فيه فوق الشبابيك وعشان يجيبها عاوز يقف على الشباك فمحتاج حد يحضنه وآجى كل يوم من 8 الصبح لغاية المغرب عشان أحضنه ويأكلنى وآخد 20 جنيه".

وأضاف محمد أنور: "أنا بيتوتى جدا وأهم حاجة عندى في البيت هي الكنبة فلازما شترى كنبة مريحة لأن عمر هيضيع هنا، ونزولى نادر وحتى لما بسافر مش بخرج ومتعتى كلها جوا الفندق ومن كتر حبى للروب الأبيض بنزل أفطر بيه".

ويعرض لمحمد أنور حلقة ضمن برنامج رامز جلال الرمضانى " رامز موفى ستار" والذى يعرض على قناة  MBC مصر عقب أذان المغرب مباشرة