"هى رفعت الشبشب بس .. الستات كلها كانت معانا".. تفاصيل الإعتداء على 3 فتيات داخل المترو

قالت "مي" صاحبة الفيديو المنشور على" فيسبوك" عقب التعدي عليها وعلى أصدقائها أمام جهات التحقيق: الست وجهت ليا الكلام الأول، انا كنت واقفة فكنت في وشها.

واضاف" مي" : هي قالت ليا لبسك مش عاجبني والناس بتبص عليكي  والرجالة طالعه ونازله بتبص عليكم وعلى شكلكم، رديت عليها وقولت اللي يبص هو اللي هياخد ذنب مش أنا، أنا لبسة لبس عادى جدًا، راحت قالت ليا انتي كلك على بعضك مش عجباني ولبسك مش عاجبني وشتمت بألفاظ كتيرة سلسلة من الشتائم أمام الستات كلها اللي كانوا في المترو.

وأكملت "مي": فبصراحة أنا إتعصبت وكنت برد عليها لأخير لحظة بأدب وإحترام عشان هي واحده ست كبيرة، راحت كملت سلسلة الشتائم من جميع الأنواع ، وهى كانت بتتكلم على لبسنا وكل الستات والبنات كانوا وافقين معانا وقالوا " دي حرية شخصية"

واكدت مي: ولا فرد من داخل العربية كان ضدنا، بل بالعكس الناس كلها كانت معانا، وفاجأة لقينا المشكلة كبرت أوي، والناس اللى كان صوتها طالع في الفيديو مش احنا، دول بنات وستات في المترو، لان احنا اللي كنا بنصور فصوتنا هيكون قريب اوى وعالى من الموبيل عشان الموبيل.

ثم قالت الفتاة الثانية " أيه" أمام جهات التحقيق لسماع أقولها في الواقعة : دخلنا في العصابية والخناق، وبعدين رفعت علينا الشبب ، وكانت عايزة تضربنا والناس دخلت تحجز، هى مفكرتش لحظة انها تضربنا، واحنا اتعصبنا، وفضلنا نسجل الفيديو، الفيدو دة آخر لقطة من الخناقة، مش من اولها، بس بصراحة هى مضربتناش، هى رفعت الشبب علينا بس، وأول لما شفتني بصور، في لحظة دي قامت عليا.   

وتابعت " أية" : الناس اخذتنا بعيد خارج العربية، وكانوا عايزن ينزلونا من المترو وساعتها كنا في محطة دار السلام، وهى نزلت في محطة حدائق المعادي، والناس كلها لما نزلت قالوا لينا محديش يزعل، وان لبسكم عادى وانتم أحرار في ملابسكم، وفي بنت بعتت ليا رسالة على الانستجرام، قالت ليا انا كنت في العربية ومعاكو في أى حاجة ولوعايزين أشهد انا معاكو اتصلو بيا، من الكبير إلى الصغير كان معانا، هى طريقتها لفتت نظر الناس، أنا في حاجات وكلام غير صحيح نزل على لساني في بعض من المواقع الاخبارية وعلى فيسبوك، ومفيش كلام اتقال على لسانى، واحنا مقولناش " ميشرفناش تكوني مامتنا"، كلنا زى بعض وكلنا حاجة واحدة، وبعد لما نزلنا روحنا وقولنا مش هنعمل حاجة ولا روحنا القسم ولا عملنا اى حاجة ولا حتى محضر، لاننا سألنا في الموضوع وعرفنا أنه فيه عقوبة وحبس، فقولنا لا مش هنعمل كدا  وخلاص اللي حصل حصل، وإحنا هنزيل الفيديو للبنات عشان تاخد بالها بس، متوقعناش إنه هيحصل كدا والفيديو ينتشر بشكل كبير أوي كدا.