تفاصيل خداع أبو هشيمة لياسمين صبرى داخل طائرته الخاصة

وقال بيتر عزيز، متداول المنشور وصاحب عملية البحث عن سر طائرة أبو هشيمة، بمناسبة حدث الطلاق السعيد كان في جطعة غسيل متسخ قلت يمكن جه الوقت انشّرها الا كمكمت مني الصراحة.. من فترة كدة وقعت قدامي صورة على انستجرام لياسمين صبري في طيارتها الخاصة aka طيارة جوزها بتاخد تان أو ايا كان بس لاحظت في الصورة حاجة غريبة. 

كابينة الطيارة متغيرة عن صورها القديمة.. المهم استعنا عالشقا بالله رجعت في التايملاين اشوف القصة ايه لقيت اللي كنت متوقعه".

وتابع" كل صور ياسمين صبري لحد من كم شهر فاتوا كانوا في نفس الطيارة وبعدين فجأة الطيارة اتغيرت. 

لحسن الحظ كان في صورة منهم ظاهر فيها اسم شركة تشارتر على السجادة اللي بتتفرش قدام سلم الطيارة دي.

ده كان المعطى الوحيد في المسألة وكل ما يلي جاء على لسان السجادة اللي كان ممكن يتعملها كروب في 3 ثواني بس في ناس ربنا كارمها في الذكاء كرم على قد نيتها ..الشركة دي اسمها Gulf Wings وهي الشركة المالكة للطيارة.لحظة هو مش المفروض أبو هشيمة عنده طيارة خاصة؟".

وتابع "بالتدوير ورا الشركة اتضح ان أبو هشيمة كان بيأجر نفس الطيارة الـ Embraer Legacy 600 كل مرة تطلع بيها ياسمين ، واللي بالمناسبة مخدتش وقت كتير علشان اقارن صور انستجرامها بصور الليجاسيز اللي عند جالف وينجز واطلع في الاخر برقم ديلها (الطيارة مش ياسمين) وهو A6-ank.. المهم ناخد رقم الديل نحطه في planelogger وده موقع بيسجل تراخيص وملكيات الطيارات نلاقي ايه بقى .. الطيارة دي باعتها شركة Gulf Wings شهر 12/2021 واتغير رقمها لـ N145DB. فطبعا لما تبص في الانستا مش هتلاقي أي صور لياسمين في الطيارة من بعد التاريخ ده ، كلها في طيارات تانية زي الـ Challenger 605 اللي كانت متصورة فيها اخر مرة. 

واللي برضو تابعة لشركة Gulf Wings. واغلب الطيارات دي بيأجروها لفتين لدبي بعشرين الف دولار صد رد يخبطوا الصورتين ويقضوا اليومين ويرجعوا مش بيلفوا العالم يعني".

وباستطرد ،" المناسبة لا ياسمين صبري ولا أبو هشيمة قالوا قبل كدة أن عندهم طيارات خاصة .. الناس بس هي اللي افترضت. لكن على حد علمي في كم رجل أعمال (تقال) بس في مصر عندهم طيارات خاصة يتعدوا على صوابع الايد الواحدة، ودلوقتي نقدر نقول فور شور أبو هشيمة مش من ضمنهم".