"طلعتوا بالواسطة".. مداخلة هاتفية تثير الجدل على السوشيال ميديا
الثلاثاء 24/مايو/2022 - 11:49 م
تعرض مذيعي قناة الصحة والجمال لموقف محرج من متصلة أبدت استيائها من ظهورهم على الشاشة بالواسطة بالرغم من كونها متفوقة فى دراستها وخريجة كلية إعلام وأولي دفعتها ولم يتاح لها الفرصة للعمل.
وجاء نص الحوار من المتصلة كالتالي:
- مساء الخير
= مساء النور يا سلمى
- انا اسفه إن انا بتكلم في موضوع خارج الحلقه بس هو فيه مشكلة كبيره انا نفسي أتكلم فيها .
= اتفضلي
- هو انا دلوقتي خريجة اعلام بقالي 5 سنين تعبت 4 سنين في الجامعة وطلعت الأولي على دفعتي حاولت ان انا أشتغل في المجال بتاعي سنين بسعي ومفيش أي نتيجه.
= امممممم
- كان نفسي أكون مذيعه ودلوقتي أي حد بيطلع على الهوا اي حد بيتعمله برنامج حتي لو هو مش خريج إعلام حتي لو هو مالوش حق في ده .. فـ أنا نفسي اعرف تقوليلي كده معلش مين طلعك ؟ قوليلي مين الواسطه اللي طلعتك ؟ انتي لا تستحقي هذا المكان نهائي .
= السؤال موجه لـ مين بالظبط انا ولا ريما ولا احمد ؟
- والله حضرتك أنا شايفه إن انتوا كلكم لا تستحقوا ده
وتصدر هذه المداخلة الهاتفية السوشيال ميديا وتم تداولها بشكل كبير وأثارت جدلا كبيرا بعد تعرض المذيعين لاحراج شديد.
