ريهام حجاج ترد على ربط اسمها مع ياسمين عبد العزيز: حملة قذرة
علقت الفنانة ريهام حجاج على الأخبار التى تم تداولها مؤخرا بعنوان ريهام حجاج تكايد ياسمين عبد العزيز وإقحام اسمها مع الأخبار المرتبطة بياسمين عبد العزيز،" مؤكده إنها لا تمتلك أي حسابات على تويتر وأن هذه الحملة “قذرة” على حد قولها وتهدف لتشويه صورتها.
وقالت ريهام حجاج عبر صفحتها الشخصية على موقع التواصل الاجتماعي ،" انستجرام"،" حملة قذرة علي صفحات رخيصة مدفوعة الأجر نازلة في نفس الوقت زي ما بيحصل معانا بقالنا ٤ سنين".
وتابعت ريهام حجاج أنها لا تملك حساب على تويتر ، ليرد زوجها رجل الأعمال محمد حلاوة على منشور ريهام حجاج قائلا ،" انا مش فاهم الحقيقه انتي معندكيش حساب علي تويتر اساسا ومش فاهم مين اللي مصر انه يدخلنا ف مشاكل ملناش اي دعوه بيها مين صاحب المصلحه ف كده !مين اللي بينشر الحملات دي ف نفس الوقت وهدفه ايه عموما انتي وضحت الصوره وربنا يخليكي ويحفظك ي حبيبتي" .
وكانت الفنانة ريهام حجاج قد علقت على واقعة عروس كفر الدوار التي أثارت الجدل خلال الساعات الماضية التي طلبت قبل التوقيع على عقد قرانها من زوجها إلقاء شروطها.
وكتبت ريهام حجاج عبر صفحتها بموقع التواصل الاجتماعي فيسبوك : "هو ليه الناس علي السوشال ميديا بيستبيحوا سيرة الناس و يسعوا لخراب البيوت؟ عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي اللي ممكن يخرب بيتهم وتنشره على أنها بتهزئه وتحول فرحتهم لكابوس".
وأضافت: "ممكن يكون في احتمال نص في المية أن مش قصدها أو دي طريقتها في الكلام وأكيد هو عارف وبيتجوزها وحاببها زي ما هي؟! تعرف ظروفهم منين؟ مواقفهم؟ عدوا بإيه سوى في الخطوبة!! إيه إللي خلاها تقول كدا اصلا!! دخليات الناس ماحدش يعرفها بتشيلوا ذنوب و الله دا إللي ربنا قال عليه في القرآن الكريم من يفرق بين المرء و زوجه".
