عبير صبري: لازم يبقى في بوليس للسوشيال ميديا
كشفت عبير صبري عن خطورة السوشيال ميديا المزيفة على الشباب و تقليد الشباب البلوجرز، وتطلب بإقامة شرطة على السوشيال ميديا للحد من هذة الأفعال.
عبير صبري: لازم يبقى في بوليس للسوشيال ميديا
كتبت عبير صبري عبر صفحتها الخاصة على موقع تبادل الصور والفيديوهات إنستجرام قالت:« الضغوط على الناس والشباب عالية جدا، خصوصا على السوشيال الميديا الشريرة اللي بتوري صورة للناس على إنهم متميزين وبيرفكت من خلال صور مزيفة ومش حقيقية، وصور بالفلاتر وصور الأكل الفاخر والملابس الفاخرة والسفريات للمالديف وغيره والشنط الغالية والأجسام وعمليات النحت، وعايزة أبقى شبه فلان أو فلانة وعايز أبقى مشهور وخلاص حتي لو شهرتي قايمة على إني أتصور وخلاص وأسمي اللي بعمله بلوجر».
تابعت عبير صبري « ده شيء بلا محتوى أو قيمة حقيقية وعايز تليفون زي اللي في إيد صاحبي وقرف كتير والشباب مش عارف يبقى سعيد لأنه عايز ساعة غالية وعربية غالية، ومبقاش حد بيدور على معنى السعادة الحقيقية، وكل الناس بتقلد بعض».
تطلب عبير صبري «أرجوكم السوشيال ميديا دي لازم يبقي ليها ظابط ورابط، لازم الدولة تتدخل، لازم يبقى فيه بوليس للسوشيال ميديا دي، ما يقدر على القدرة إلا ربنا يا جماعة».
و اختمت عبير صبرى : «شاركوني آراءكم ايه السبب في الانتحار اللي شوفناه من شباب صغير لسه أدامه الحياه وجريمه قتل مرعبة لبنت مسكينة ملهاش ذنب تفتكروا الشباب وصل لكده إزاي هل السوشيال ولا الأهل ولا التربية ولا إيه.. صدقوني كل الناس عندها مشاكل حتي لو مش بتظهر ده للناس وبيظهروا عكس كده» .
