حسن شاكوش بعد حذف أغنيته: "بنت الجيران بتاعتي.. ومش بحب أغلط في حد"
علق مطرب المهرجانات حسن شاكوش على، تصريحات محمد مدين ملحن أغنية “حاجة مستخبية” للمطرب محمد حماقي، وذلك بعد حذف مهرجان “بنت الجيران” من اليوتيوب، بشأن سرقة لحن أغنية “بنت الجيران” من أغنية حاجة مستخبية.
وقال شاكوش في فيديو له عبر موقع التواصل الاجتماعي “انستجرام”، “بنت الجيران بتاعتي مش بتاعت الأستاذ محمد حماقي وده اللي كنت عايز أقوله امبارح في البرنامج وأوضحه ولكن انا في حالي ومش بحب أغلط في حد وكل اللي في المجال أصدقائي”.
محمد مدين يهاجم حسن شاكوش
وقال محمد مدين في تصريحات خاصة لـ"مصر تايمز"، دي الخطوة الأولى أغنية بنت الجيران قفلتها نهائي ولسه هاخد إجراءات كتير الفترة المقبلة علشان لو سكت قبل كدة مش هسكت دلوقتي.
وتابع في حديثه: “قال كلام ملوش أي لازمة ومش هسكت عن حقي لأنه اتهمني بالسرقة ومكلفش خاطرة أنه يعمل سيرش ويشوف اللحن بتاع مين وكلموني من تركيا واستأذنوني ، واللي قاله امبارح تشويه لصورتي ومش هسكت”.
وحصل الملحن “مدين” على حكم نهائي من شركتي “نجوم ريكوردز، وأى ميديا” بحذف أغنية بنت الجيران التي قام بغنائيها المطرب الشعبي حسن شاكوش من قناة اليوتيوب.
حذف أغنية "بنت الجيران" لـ حسن شاكوش من اليوتيوب
وعلق “مدين” عبر حسابه الخاص علي موقع التواصل الاجتماعي قائلًا: الخطوة الأولي “أغنية بنت الجيران اتقفلت ولسه”، ووجه الشكر لشركة نجوم ريكوردز وشركة أى ميديا.
وكان قد أقيم مؤتمرًا صحفيًا أمس الأثنين للمطرب حسن شاكوش كي يعتذر لنقابة المهن الموسيقية، ولكن حدثت مشادة كلامية بين سعيد الأرتسيست وسكرتير عام النقابة، ونقيب المهن الموسيقية، أدى إلى فض المؤتمر.
