بهاء الدين محمد عن سرقة شاكوش لحن "يا حبيبى لا": وصلت للبجاحة دي

هاجم الشاعر بهاء الدين محمد مؤدي المهرجانات حسن شاكوش واتهمه بسرقة لحن أغنية "يا حبيبى لا" للهضبة عمرو دياب .

ونشر الشاعر بهاء الدين محمد مقطع لمهرجان "قلبى اللى كان مبسوط" لحسن شاكوش وعلق عليه :” هى وصلت البجاحه دى ؟!!! هو الإنسان ده بيعتدى ويشوه أى أغنية محترمة ؟!!!".

وأضاف بهاء الدين محمد :"وتجرأ يفسد أغنية ل Amr Diab  #ياحبيبى_لا ويغنيها ب الفشل ده ؟!!! وبيغير كلامها كمان ؟!!!".

حسن شاكوش: مش بحب أغلط في حد

علق مطرب المهرجانات حسن شاكوش على، تصريحات محمد مدين ملحن أغنية “حاجة مستخبية” للمطرب محمد حماقي، وذلك بعد حذف مهرجان “بنت الجيران” من اليوتيوب، بشأن سرقة لحن أغنية “بنت الجيران” من أغنية حاجة مستخبية.

وقال شاكوش في فيديو له عبر موقع التواصل الاجتماعي “انستجرام”، “بنت الجيران بتاعتي مش بتاعت الأستاذ محمد حماقي وده اللي كنت عايز أقوله امبارح في البرنامج وأوضحه ولكن انا في حالي ومش بحب أغلط في حد وكل اللي في المجال أصدقائي”.

محمد مدين يهاجم حسن شاكوش

وقال محمد مدين في تصريحات خاصة لـ"مصر تايمز"، دي الخطوة الأولى أغنية بنت الجيران قفلتها نهائي ولسه هاخد إجراءات كتير الفترة المقبلة علشان لو سكت قبل كدة مش هسكت دلوقتي.

وتابع في حديثه: “قال كلام ملوش أي لازمة ومش هسكت عن حقي لأنه اتهمني بالسرقة ومكلفش خاطرة أنه يعمل سيرش ويشوف اللحن بتاع مين وكلموني من تركيا واستأذنوني ، واللي قاله امبارح تشويه لصورتي ومش هسكت”.

وحصل الملحن “مدين” على حكم نهائي من شركتي “نجوم ريكوردز، وأى ميديا” بحذف أغنية بنت الجيران التي قام بغنائيها المطرب الشعبي حسن شاكوش من قناة اليوتيوب.