محمد عاطف يهاجم نجيب ساويرس: مينفعش أجيب بياع ترمس في مهرجان الجونة
هاجم الشاعر الغنائي محمد عاطف، رجل الأعمال نجيب ساويرس، بعد تصريحات الأخير عن الفنان هاني شاكر بعد استقالته من نقابة المهن الموسيقية.
وقال محمد عاطف خلال فيديو له عبر حسابه الرسمي بموقع التواصل الاجتماعي فيسبوك: نجيب ساويرس رجل أعمال ناجح فاتح بيوت ناس كتير، لكن مقدرش كفنان أتدخل في أي حاجة خاصة بشغل المقاولات لأني مبفهمش فيها.
وتابع: مقدرش أجيب مثلا بياعين ترمس وتين وأدخلهم مهرجان الجونة، وأقولك معلش أصلهم بياكلوا عيش.. في مباديء وقوانين وكان غلط إنك تقول أكسر قُلة ورا هاني شاكر.. عيب.
نجيب ساويرس يدافع عن مطربي المهرجانات
رد رجل الأعمال نجيب ساويرس علي تغريدة كتبها له أحد متابعيه علي موقع التواصل الاجتماعي تويتر.
وكتب أحد متابعيه: “شكرا علي اعتذارك بس هو التهريج اللي بيعملوه ده رزق، مش أحسن يشتغل في حاجة ينفع بها نفسه والناس، وأنا هنا بتكلم علي اللي زي شاكوش وحمو بيكه وغيره وغيره”.
ليرد عليه ساويرس: “كل واحد حر يسمع اللي عايزه.. اللي مش عاجبه يقفل الراديو أو يحول القناة، إنما فرض ذوقكم علي الكل غير مقبول وأنا شخصيا بحب أغانيهم”.
