سعد الصغير رداً علي أرملة شقيقة: جاية تفتكر بعد 18 سنة من وفاته

رد الفنان سعد الصغير علي أرملة شقيقه التى اتهمته برفضه إعطائها ميراثها من ورث شقيقه قائلا " بعد 18 سنة جاية تتكلم وقالتلي من 16 سنة إنها كانت متجوزة أخويا عرفي .. مرات أخويا الأولي أصيلة بعد مات ماتجوزتش ورفضت تتجوز بعديه وربت عياله وواحد دلوقتي في كلية حقوق وواحد في كلية إعلام".

ووجه سعد الصغير حديثه لأرملة شقيقه الثانية قائلا،" انتى اتجوزتي وخلفتي بعد أخويا والورث بتاعك لو ليكيى ورث روحي قدمى إعلام وراثة".

وقال سعد الصغير في بث مباشر عبر صفحته الشخصية علي موقع التواصل الاجتماعي  ،" أنا ربيت ولاد أخويا وأمهم هي اللى وقفت وكانت أصيلة واللى انتي قولتيه عليا أنا هاخد حقي بالقانون .. قدمى القسيمة ولو المحكمة حكمتلك أنا هديكي حقك".

وكانت هبة أرملة محمد الصغير ، شقيق الفنان سعد الصغير ، أن الفنان رفض أن يعطيها ميراثها وحقها الشرعي بعد وفاة أخيه ويتهرب منها ويخوض في سمعتها ، متابعه،" كان طالب يتجوزني قبل أخوه ومحمد أخوه اتوفي ومايعرفش إن سعد كان عايز يتجوزني وعلشان يديني ميراثي دلوقتي عايز يتجوزني".

وتابعت في تصريحات صحفية لها أنه بعد وفاة زوجها "شقيق سعد الصغير"، قام بتأجير بلطجية سيدات للاعتداء عليها وأجهضوني ، قائلة " طلبت من سعد إن أعمل عملية في ألمانيا وأعمل عمرة وقالي اه اه وكله كلام".

وقالت " أنا مش عارفة أوصله وعماله ألف علي حقي سنين ومش عارفة أوصله وكل ما اوصله يقولي ان شاء الله ويديني 5 آلاف جنيه".