اتهام جديد من زوج البلوجر آمال أبو المجد: "ملهاش أمان وغدارة"
تحدث زوج البلوجر آمال أبو المجد، مُجددًا عن أزمته مع زوجته، التي اتهمته بالاعتداء عليها ومحاولة إجهاضها بسبب الخلافات الزوجية والمالية بينهما.
وشارك زوج البلوجر آمال أبو المجد، بصورة له، ظهر بها بملامح غريبة وغير معتادة، وهو يرد على متابع سأله عن سبب تغير ملامحه، ليرد: “زعل والله وحزن على كل لحظة وكل يوم عشته مع حد ملوش أي أمان، وفي ثانية بيبيع ويغدر، ويبقى أهم حاجة الكلام على الفلوس، لكن الأهم والأغلى العشرة”.
زوج البلوجر آمال أبو المجد: قاصدة تنشر الفيديوهات علشان التريند
رد أحمد جوبا زوج البلوجر آمال أبو المجد علي واقعة سحلها قائلا ،" لم يحدث هي جريت ورايا في الشارع وفضلت تشتم بأبشع الألفاظ اللى مافيش حد يستحملها وأنا كنت بحط إيدى علي بوقها علشان شتايمها وهي جات عن نقطة معينة وراحت واقعة فا أنا حاولت أسندها".
وتابع في فيديو له " إنها تسعي للتريند والدليل علي ذلك نشرها لكافة الفيديوهات من أجل التريند وأن الكشف عليها أصبت أن بهاد خدش فقط وليس كما ادعت سحل وضرب".
وكانت التيك توكر والبلوجر الشهيرة آمال أبو المجد، قد كشفت عن أسباب تعرضها للضرب والإهانة من قبل زوجها المدعو أحمد جوبا، وذلك خلال بث مباشر على حسابها الرسمي بموقع تبادل الصور والفيديوهات "انستجرام"
أوضحت البلوجر أسباب تعرضها للإهانة والضرب على يد زوجها، وذلك بعدما طالبته بالحصول على حقوقها منه وكذلك الطلاق، بسبب اعتماده الكامل عليها في توفير نفقات المنزل، "كنا مبسوطين وكويسين قدامكوا بس انتوا ماتعرفوش إيه اللي بيحصل في البيوت، ده أنا اللي بصرف وأنا اللي بجيب ومعايا إثبات لكل كلمة، واتجوزنا بفلوسي، أنا قولتله مش عايزة حمل دلوقتي، لأني بعد شهر واتنين وتلاتة لقيت إني شايلة الدنيا لوحدي".
وكشفت آمال أبو المجد عن تفاصيل ارتباطها من زوجها أحمد بوجا، منذ شهر مارس 2021، لافتة إلى أنه كان في البداية يتسم بالأدب والأخلاق الحميدة، وهو ما خدعها به قبل زواجهما، قائلة: "في شهر 2 السنة اللي فاتت فسخت خطوبتي، وفي آخر شهر 3 دخل في حياتي شخص محترم ابن ناس، شغال شغلانة كويسة، أسلوبه في الكلام كويس كل حاجة كويسة كان بيعملها، كان صاحب جيم".
