حسام حبيب يعلق علي تصريحات شيرين عبد الوهاب: هرد بالمستندات
رد الفنان حسام حبيب على تصريحات شيرين عبد الوهاب، بشأن سرقته لسيارتها وتهديده لها، مؤكدًا أنه سيتخذ إجراء قانوني ضدها.
وقال حسام حبيب لـ et بالعربي: أكيد هاخد إجراء قانوني ضد شيرين، أنا عمري ما دافعت عن نفسي ولا أتكلمت ودا كلام كله مرسل وهرد عليها بالأدلة والمستندات.
وواصل حسام حبيب: كنت ساكت حفاظًا عليها وعلى سمعتها وعلى بيتها مكنتش بتكلم، بس أنا هتكلم طبعًا دلوقتي لأن الكلام بقى كتير وزيادة وأنا مبعرفش أقول كلام مرسل ولا أفتري على حد.
وكشفت الفنانة شريين عبد الوهاب حقائق صادمة عن حياتها مع طليقها حسام حبيب قائلة : مارس معي كل أشكال الإبتزاز مش عاوزني أعمل أي حاجة في حياتي غير أبقى قاعدة قدامه بس".
و تابعت خلال مداخلة هاتفية ببرنامج " كلمة أخيرة " الذي تقدمه الإعلامية لميس الحديدي على شاشة ON": لو رحت عملت حفلة أو فرح ناجح ينكد عليا ويقلي كنتي ماسكة الراجل كده ليه والواد بيعمل معاكي كده ليه ؟ أقوله ده قد إبني ولو عملت إعلان ناجح زي إعلان بنك مصر وأبقى تريند والناس مبسوطة بيا لازم هو ينكد عليا ويبوظ اليوم ".
وقالت: " نحن تم طلاقنا بعد حلق رأسي وكانت طلاق بائن وبعد أن هدأت من الكارثة شعرت أني لاأستطيع الاستغناء عنه ولازم أديله فرصة تانية وأن ماينفعش نبعد عن بعض بفجر في الخصومة وكنت مؤمنة أن العلاقة مقدسة وكنت بحبه وفاكراه ابني مش جوزي وعملتله إستوديو لشغلنا وقمت بشراء كل الاغاني التي أعجبته بشيكات بإسمي عشان ماترحش منه.
وكشفت عن تعرضها للتنمر من حسام حبيب قائلة : بعد ماعمل كل ده الاقيه بيتهمني ويتنمر عليا ويقولي تخنتي وبقيتي شبه أمك وأنا عاوز واحدة أتباهى بيها قدام الناس تبقى حلوة ورفيعة وكلام من ده بخلاف الخناقات التي تعرضت فيها للضرب والسحل على الأرض وشتيمة عمر مافي إنسانه تقبلها على نفسها "
وتابعت : أنا عندي مشكلة أني لما بتعصب بوصل لليفل صعب ممكن أذي نفسي ودكتوري إسمه محمود مرسي ممكن تكلموه تسألوه ونصحه بتركي لفترة حتى ولو ربع ساعة أو أني أدخل أوضتي شوية لحد ما أهدى لكن هو أصر في كل خناقة يفضل قدامي يحرق في دمي وأعصابي لحد ما أمسك الماكينة واحلق شعري".
