سلوي عثمان: بحب التمثيل وبلاقي فيه الشغف والمتعة

قالت الفنانة سلوي عثمان، إنها سبق ومرت بأشياء تحبطني في حياتي أو شغل، لكن امرأة السرطان قوية وبحب شغلانة التمثيل وبلاقي فيها الشغف والمتعة.

وتابعت "عثمان" عبر برنامج  "لمن يهمه الفن" الذي تقدمة أميرة نور" عبر إذاعة نغم أف أم، أتمنى لعيد ميلادي الجاي، أني أقدم شغل أكتر، ومتنوع عن الأدوار اللي قدمتها، ومن خلالها تبان قدرتي وموهبتي التمثيلية، وطبعا الصحة والستر.

وأضافت: قمت بدور المرأة الصعيدية القوية في "كيرة والجن"مع المخرج مروان حامد، اللي تناول ثورة 1919، وكانت الكواليس جميلة قوي، وأول مرة أروح الأقصر وأسوان، وكانت المناقشة بيني وبين مروان حوالين قوة الشخصية حتي في أشد وقت للإنفعال لحظة موت بنتها، قالي ولا حتي دمعة بحب كريم عبد العزيز قوي من أيام عملي معاه بمسلسل "الزيبق".

وأشارت سلوي عثمان أن الفيديو والسينما هما أقرب ليا من المسرح، إمتي أختار دور، لما أقرا دور كويس مكتوب حلو مع مخرج جميل، ساعتها بحس الدور بيناديني عشان أحضر للدور لازم يكون عاجبني، وأقعد أذاكره كويس قوي، عشان أكون حافظة ومتفرغة للأداء والتمثيل مش لسه هفتكر الكلمة اللي المفروض تتقال.