مريم الحاصلة على 12 % فى الثانوية العامة بالمنيا: ده مش مجموعي.. وكان حلمي أدخل طب"
قالت مريم إبراهيم عزيز الحاصلة على 12 % فى الثانوية العامة شعبة علمي علوم وبنت محافظة المنيا، "كنت بذاكر طول اليوم ومكنتش بعمل حاجة طوال اليوم غير اني اذاكر عشان أفرح أبويا وأمى وادخل كلية طب أو صيدلة".
وأضافت "مريم":"كنت بحل جميع المواد وبقفل الامتحان، وعملت اللى عليا طول السنة وبدى كل مادة حقها فى المذاكرة و بسهر الليل عشان أشوف الفرحة داخل البيت يوم ظهور النتيجة"، مؤكدة: "أمى كانت بتزعل معايا بسبب عدم النوم .
يوم ظهور النتيجة والفرح تحول إلى حزن
وذكرت "مريم": يوم ظهور النتيجة دخلت على موقع الوزارة والمواقع الأخري عشان اشوف النتيجة مكنتش بتظهر لحد ما أمى خدت رقم الجلوس وراحت سيبر عشان تشوف النتيجة لكن عرفت انى جبت 12% وده مش مجموع طالب فى الثانوية ده مجموع حد مكنش بيذاكر ولا بيروح امتحانات.
وقالت "أم مريم": “خدت رقم الجلوس وجريت على السيبر أجيب نتيجة بنتى بعد ما بتاع السيبر طلع النتيجة قالي دي مش درجة مريم دى درجات أحد مرشح الامتحانات ردت قائلة بنتى راحت جميع المواد وكل يوم ترجع تقول حليت الامتحان ومش هدخل صيدلة أنا هدخل كلية طب”.
وتابعت والدة الطالبة:"ازاي بنتى تجيب في امتحانات الشهر 40 من 40 وطلعت الأولى على الصف الثالث الاعدادى كيف تجيب 12% عاوزة حق بنتى من وزير التربية والتعليم وجميع الجهات المسئولة".
واستكمت حديثها: "روحت اجيب نتيجة بنتى عشان تدخل كلية الطب طلعت جايبة 12 و نص % كسرو فرحتي، بنتي بتطلع الأولى ومن وهي في الحضانة ومتفوقة، مطالبة من الرئيس عبد الفتاح السيسي رئيس الجمهورية برجوع حق بنتى.
