عباس أبو الحسن يسخر من القرآن الكريم أثناء انتقاده لـ "بيتزا هت"

سخر الفنان عباس أبو الحسن من القرآن الكريم، خلال منشور كتبه عبر حسابه الرسمي بموقع التواصل الاجتماعي “فيس بوك”، ينتقد من خلاله جودة “بيتزا هت”.

كتب عباس أبو الحسن عبر حسابه الرسمي بموقع فيس بوك: “والدقيق والزيتون وحق هذا البلد التعيس  ، اللي بيطلع من بيتزا هات آخر سنة ما هو ببيتزا إنما شبّه لهم ! دي مش عجينة دي عجيبة ودي مش إضافات دي  فطريات !  يخرب بيت رضا وتسامح والانخفاض المزري في طموح المصريين  ..ودة مش غلوْ دة جنون بس!”.

عباس أبو الحسن يتحدث عن زواج جينيفر لوبيز بعد قصة حب 20 سنة

 الفنان عباس أبو الحسن، زواج جينفر لوبيز وبن أفليك بعد قصة حب دامت لـ 20 عامًا، ونشر صورتين لهما في مراحل مختلفة وأوضح التطور الذي حدث لشخصيتهما.

وكتب عباس عبر حسابه الشخصي بموقع التاوصل الاجتماعي فيس بوك: توقفت عند الصورة دي وتأملتها.. في فرق 20 سنة بينهم، في 2002 هو التقل في الصورة عنده متوهج وعنيه بتلمع، ويبدو عنده خطة خاصة به، وغموض ساحر في هالته وهي شكلها عادي، مطفية وعينيها تايهة وتفتقد اليقين.

واستكمل:"بعد 20 سنة لما رجعوا لبعض واتجوزوا هتلاقي الآية اتعكست؛ التقل والسحر والغموض والتوهج راح عندها هي، وهو مطفي ونظرة استسلام وشك والهالة الساحرة إختفت.. الحقيقة أن دي قصة الرجل والمرأة وتطورهم الطبيعي، مع الوقت تتحول الفتاة إلى إمرأة بتنضج، وبتكتمل وبتدرك قوتها وكينونتها وتفردها وبيتقلص حجم الراجل في حياتها، لأنها بتفقسه وبتكتشف أنه في الآخر هيش على مافيش.

واختتم أبو الحسن: الشاب بيصبح رجل منهك، حيله مقطوع وتقلصت مخالبه، ونفسه مكروش، ومش قادر على التناطح مع كائن معدش بياكل من أونطة زمان، وزمان لما شفت أبويا وأمي وأزواج آخرين من الجيل بتاعهم، واللي حصل بينهم أدركت مُلخص عبقري للعلاقة بين الزوج والزوجة المصريين، وهي: في أول 15 سنة الراجل الفحل بيعذب في الست المقهورة، والـ 15 سنة اللي بعدهم الست القوية بتنتقم من الراجل، اللي اتكشف وبان وبعدين يطلقوا ويبقوا زي الإخوات.. وعجبي.