"التاريخ مش هيرحمك يا خطيب".. مجدي عبد الغني يهاجم رئيس الأهلي
شن مجدي عبد الغني، نجم النادي الأهلي الأسبق، هجوماً عنيفاً على محمود الخطيب رئيس النادي الأهلي بسبب ما يتعرض له بعض أبناء النادي من هجوم من جانب قناة الأهلي.
"التاريخ مش هيرحمك يا خطيب".. مجدي عبد الغني يهاجم رئيس الأهلي
وقال مجدي عبد الغني في تصريحات تلفزيونية، “عمر النادي الأهلي ما كان شتام ولا لعان ولا كان بهذا الشكل ابدًا ، سيكتب في تاريخك يا كابتن خطيب إن لأول مرة في تاريخ الأهلي هناك كتائب ممولة تشتم أبناء النادي ومن خدمه وضحى بصحته وكل حاجة علشان خاطر الأهلي”.
وأضاف مجدي عبد الغني، “يا كابتن خطيب، التاريخ هيكتب أن في يوم من الأيام أحد مذيعي قناة الأهلي اللي احنا بننتمي له وموتنا نفسنا علشانه وحققنا له البطولات شتم أبناء النادي ، ومفيش حد هيقدر يمسح لا تاريخك ولا تاريخي”.
وتابع مجدي عبد الغني، “ واضح إن المجموعة اللي بتدير الأهلي حاليًا مش عايزاة حد يتكلم خالص .. لا يقدم نصيحة ولا يقول أرقام ولا أي حاجة خالص، أنت هتقول اللي احنا عايزينه ولا هتتشتم؟! هو دا اللي موجود للأسف، جتتنا نحست خلاص ومبقاش فارق معانا”.
واستكمل، “التاريخ مش هيرحم أن أولاد النادي الأهلي يتشتموا في عهد الخطيب، محصلتش قبل كدا ابدًا في تاريخ النادي ، صمت الخطيب غريب وغير مفهوم، هل هو عاجبه أن زمايله في الملعب واللي اكل معاهم عيش وملح يتهموا بالخيانة ويتشتموا عادي، مبسوط بكدا يعني؟!”.
واختتم مجدي عبد الغني تصريحاته قائلاً، “يا كابتن خطيب وقف المهزله دي و الامور من سيئ إلى أسوء، واللي بيشور عليك بده غلطان وفكر بدماغك بلاش بدماغ حد تاني، مش ممكن كل حد يقول رأي مش عاجب الأهلي يطلع حد يشتمه ويهاجمه من منظومة الأهلي نفسها”.
شوبير لـ"سواريش": "إدي الناس فرصة محدش هيحاسبك على تاني الدوري"
طالب الإعلامي أحمد شوبير، البرتغالي ريكاردو سواريش المدير الفني للفريق الكروي الأول بالنادي الأهلي، بمنح الفرصة لجميع اللاعبين للمشاركة في المباريات المتبقية من عمر مسابقة الدوري العام.
وقال أحمد شوبير في تصريحات إذاعية اليوم الثلاثاء، “إدي الناس فرصة محدش هيحاسبك على تاني الدوري، أنت اتأهلت دوري أبطال إفريقيا، معندكش ضغط عصبي”.
وعن موقف محمود عبد المنعم “كهربا”، بشأن البقاء أو الرحيل عن صفوف الفريق الكروي الأول بالنادي الأهلي خلال فترة الانتقالات الصيفية قال أحمد شوبير، "كهربا زى البيت الوقف مرجعش التمرين زى أحمد ياسر ريان، وكل شوية يتسرب خبر لينا إن الأهلى لن يتركه وفجأة أحد المقربين من اللاعب يقول مفيش حاجة حصلت".
