ابنة الفنانة سحر نوح: لغة الحوار من الحاجات اللي اتربيت عليها

 قالت فريدة موسى ابنه الفنانة سحر نوح خلال مداخلة هاتفية لبرنامج زق عجلك الذي يذاع علي شعبي اف ام والبرنامج من تقديم شيماء السباعي و تامر جابر، “ ماما (سحر نوح) كلامها صح ١٠٠٪، عمرها ما كنت بتعايرنا إنها وهي في سننا بتعمل كذا أو كذا، بالعكس أسلوبها كان دايما الحوار والنقاش، وبابا مدحت شلبي كمان بيعمل كده"

وتابعت ابنة سحر نوح: “نفسي أكون زي أمي سحر نوح مع بنتي، لأن كل جيل بيختلف عن الجيل اللي قبله، وكل فترة الانفتاح بيزيد إحنا دلوقتي في عصر السوشيال ميديا، ودي حاجات من الصعب السيطرة عليها، من هنا تلاقي إن لغة الحوار مهمة جدا بين الأهل والأبناء، ولغة الحوار من الحاجات اللي اتربيت عليها”.

أضافت ابنة سحر نوح: "بدعي ربنا يساعدني أربي بنتي على لغة الحوار، إن الصح هو ليه صح، والغلط هو ليه غلط من الأساسيات اللي اتربينا عليها "إن البنت ما ترجعش بالليل متأخر"، في حين إن اللي عاوز يعمل حاجة غلط هيقدر ينفذها في أي وقت حتى لو بالنهار، ولكن لما ترجع بدري المخاطر بتكون أقل في الطريق وهكذا، مش تشكيك في إنك بتعمل حاجة غلط أنا بعود بنتي إنها تكون مسؤولة وتعتمد على نفسها (تكوي، تطبخ، وهكذا)، عشان تقدر تتصرف في أي موقف".