زوجة الشاب المنتحر في بث مباشر بالبحيرة: "أخواله خلوه يموت كافر" (فيديو)

كشفت زوجة عمرو الشاب المنتحر في كفر الدوار بمحافظة البحيرة؛ أثناء بث مباشر له على صفحته على موقع التواصل الاجتماعي “فيس بوك”، تفاصيل وأسباب انتحار زوجها.

وقالت زوجة الشاب المنتحر، إن عمرو عانى كثيرا من أخواله، نتيجة حرمان والدته في ميراثها، معلقة: “حرموا والدته من الميراث، وكان بيحاول يجيب لها حقها منهم، ومات من الحسرة منهم”.

وأضافت: “اتهموه إنه صور نسوان أخواله، وإنه تعدى عليهم، اسألوا عن أخلاق عمرو، ما يستاهلش الموتة اللي ماتها بسبب خواله، نفسيته كانتة وحشه بسبب الكلام اللي كان بيتقال عليه، مكنش بيطلع من البيت من كثرة كلام الناس”.

وتابعت: “كسروا علينا باب البيت وضربونا قبل كدا، ما شافش يوم حلو بسبب أخواله، أخواله وصلوه لمرحلة إنه يموت كافر، حسبي الله ونعم الوكيل في كل اللي ظلموه”.

واختتمت مطالبة بالقصاص: “أنا عاوزه حقه وحق عياله، عاوزه اللي ظلمه يتحاسب، عاوزه كل اللي كان السبب في كدا يتحاسب، محدش يعوضنا غيابه ولا عياله، ساب أمه خرسة ما بتتكلمش بسبب أخواله”.