رامي جمال يكشف سبب مساعدته لـ "المطرب النقاش"
كشف الفنان رامي جمال عن سبب مقابلته لـ أحمد سالم “النقاش المغني”، الذي تصدر تريند السوشيال ميديا خلال الأيام الماضية، وذلك عبر حسابه الشخصي بموقع التواصل الاجتماعي “انستجرام”.
ونشر رامي جمال فيديو له، وتحدث فيه قائلًا: “أحمد فنان بدرجة مشوفتهاش في حايتي، ربنا كاتبله قبول والناس بتحبه وبتدعمه، في ناس فرحانة وبتقولي شكرا أنك بتساعد أحمد، أنا مش بساعد أحمد أنا بساعد نفسي كفنان وملحن ومطرب أن الوسط الفني لما يكون في صوت زي أحمد بيرتقي بالوسط الفني كله ودا أحنا محتاجينه”.
وتابع رامي جمال: “وإني أساعد أحمد في مشواره الفني دي حاجة بسيطة وبساعد أحمد لما شوفت الفيديو قبل ما يطلع تريند لأن مش شخصيتي أعمل الحاجة علشان التريند، وبطمن كل الموهوبين أن لو ليك الفرصة ربنا هيكرمك زي أحمد بعد سنة ونص الفيديو انتشر، وربنا أراد أنه يتشاف وزي ما ربنا وقفني جنب أحمد هيوقفلكوا ناس وبشكر كل الناس اللي كلمتني وشركات الإنتاج اللي عوزين يقفوا معايا في مشروع أحمد”.
إسلام إبراهيم يهاجم والد المطرب النقاش
وهاجم الفنان إسلام إبراهيم، والد أحمد سالم، المطرب النقاش وذلك عبر صفحته على موقع التواصل الاجتماعي فيس بوك.
وكتب إسلام إبراهيم :" انا عارف ان الكلام اللي هقوله ده ممكن ميعجبش ناس كتير بس انا شايف الترند ده من زاوية تانية خالص فكرة انك ربنا يرزقك بشابين زي دول ينطبق عليهم كلمة شباب زي الورد لانهم ربنا كارمهم بالوسامة والموهبة والصوت الحلو وعندهم المؤهلات انهم يكونوا نجوم ومتحاولش تساعدهم انهم يحققوا حلمهم او يعملوا الحاجة اللي بيحبوها وتفرض عليهم قيود ومسؤليات مش بتاعتهم زي ان هما يجهزوا اخواتهم البنات اللي اكبر منهم حضرتك البنات دول انت اللي خلفتهم مش هما ".
وتابع إسلام إبراهيم :" والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش اكيد هي مهنة محترمة وشريفة لكن اي حد مش موهوب يقدر يشتغلها لكن مش اي حد عنده الموهبة والصوت ده ".
اختتم إسلام إبراهيم :" خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض على حاجة مش عاجباه بيبقي ابن عاق كمان الولاد امانة هتتسئل عليها قدام ربنا".
