"وقح وبجح".. ابنة الراحل سعيد صالح تعلق على اتهامها بالتبرج
ردت هند الابنة الوحيدة للفنان الراحل سعيد صالح اتهامها بالتبرج وقتما كان تدرس في معهد السينما، بعدما نشر حساب يدعي أنه كان زميل لهند سعيد صالح في معهد السينما، يحمل اسم الإعلامي طه السيد، أدعى أنها كانت تعيش حياة التبرج وجميع أصدقائها من الرجال.
وقالت هند سعيد صالح ،" "مساء الخير جميعا..اولا اقسم بالله انا ماعرفش مين طه السيد ده..ثانيا معهد السينما مابيخرجش إعلاميين..ثالثا ريهام عبد الغفور مش خريجة معهد سينما.. رابعة استاذ احمد الجندى حى يرزق ربنا يبارك فى عمره و يرحم أبوه و أمه.. خامسا مافيش حاجة اسمها قسم الإخراج و السيناريو و الحوار فى بؤجة واحدة".
وتابعت هند سعيد صالح،" الأستاذ الاعلامى طه السيد مافيش بينى و بينه صديق واحد يوحد ربنا ماعرفش ده دخل معهد سينما امتى و مافيش بينى و بينه واحد حتى لو دخل قبلى او بعدى كنت حعرفه لأن المعهد كله من يوم ما فتح اوضة و صالة حضرتك عايز تقول ايه من البوست ده ؟ ان ربنا هدانى بعد ما كنت عايشة حياة كفار الجاهلية ؟ هو لا انت ولا غيرك مطلوب منى ابررلهم تصرفاتى و مع ذلك اقسم بالله انت راجل كداب من اول البوست لآخره و مش بس كداب انت وقح و بجح كمان عشان تكتب بوست زى ده و كلك ثقة لدرجة انك سايبه بابليك و فاتح التعليقات على قد ما دعيت عليك على قد ما بشكرك على الحسنات اللى اخدتها منك من غير ما ابذل اى مجهود".
