شهيرة: محمود ياسين ميتعوضش.. أنا محطمة من بعده

قالت الفنانة الكبيرة شهيرة، إنها لا تنسى زوجها الفنان الكبير الراحل محمود ياسين، ودائما تحاصرها ذكرياتهما.

أضافت شهيرة، في حوار مع برنامج "كلام الناس" عبر قناة "mbc مصر": "أنا مش بنساه، أنا متجاوزتش خالص منذ الوفاة حتى الآن، أنا مش عارفة أتجاوز رغم إني بحاول".

تابعت شهيرة: "الشهر الجاي يبقى سنتين، ولو هنتكلم عن محمود كزوج وإنسان فهو فعلا ميتعوضش، أنا مفتقدة حاجة كبيرة في حياتي، أنا محطمة ومش مظبوطة من بعده".

شهيرة: قلبنا دق وحسينا بمشاعر الحب

قالت الفنانة شهيرة :جمعني أنا وزوجي محمود ياسين فيلم وأنا في سنة أولي، ولما قلبنا دق وحسينا بمشاعر الحب، وصرح لي وإحنا في سنة تانية، اتجوزنا، ووقت زواجي من محمود ياسين كنت لسه بستكشف الطريق الفني، وكان هو ساعتها عامل مسرحية "ليلة مصرع چيفارا" في المسرح القومي، وكان تعاقد على فيلم "نحن لا نزرع الشوك"، وكان مستعجل علي إتمام الزواج.، جاء ذلك خلال مداخلة هاتفية  لبرنامج "كلمني زي ما بكلمك" تقديم خلود نادر علي نغم إف إم.

و أضافت ابتديت بدري إني أخد بطولة فنية وأنا في سنة أولي في المعهد، ولما طلب الزواج مني، كنت في حيرة إني لازلت تلميذة وفنانة وهكون زوجة لمحمود ياسين و غالبا اللي بيشتغلوا في نفس المجال بيكونوا ثنائي ناجح، لأنهم متفهمين الأوضاع، وتفاصيل الشغل نفسه، لأنهم من نفس المجال وبينهم دعم.