"جدعنة المصريين".. استجابة سريعة لاستغاثة فتاة من أعمامها بسبب الميراث ونهاد أبو القمصان تتكفل بحالتها
بعد استغاثة فتاة على إحدي الجروبات من أعمامها ورغبتهم فى طردها بعد وفاة والديها للحصول على الميراث من البيت الذي تسكن فيه هى وشقيقتها 4 سنوات.
"جدعنة المصريين".. استجابة سريعة لاستغاثة فتاة من أعمامها بسبب الميراث ونهاد أبو القمصان تتكفل بحالتها
لاقت الفتاة مساندة ومساعدة كبيرة من المتواجدين على السوشيال ميديا والمحامية نهاد أبو القمصان ومكتب رئيس الوزراء، لتخرج الفتاة وتشكر كل من ساندها وساعدها ووقف بجانبها.
وقالت الفتاة عبر صفحتها ، "صباح الخير انا نزلت البوست ف جروب (قانون الاسره المصريه) ونمت وصحيت لقيت الدنيا اتقلبت وانا مكنتش عندي امل 1٪ انه يحصل ربع ال حصل معايا وكان غرضي من البوست اني اشوف حل قانوني ومحامي يقف جمبي لحد ما اقدر ارجع حقي.. النهارده الصبح لقيت اتصال من مكتب رئيس الوزراء وبتاخد بياناتي عشان تساعدني ف مشكلتي مع اعمامي،والاستاذه نهاد ابو القمصان نزلت البوست عندها وبتدور عليا عشان تترفعلي وعايزه تتكفل بكل حاجه...وناس كتير اوي بيبعتولي يقولولي اتواصلي مع المحاميه بتدور عليكي واللي دخل يهون عليا ويقولي انا جمبك(شوفت فيكم حنيه مش ف اهلي ولولاكم مكنتش وصلت لربع ال انا فيه دا مذيعين من قنوات عايزين يصورا معايا".
وتابعت، "أنا مره واحده لقيت عوض ربنا بيجيلي بدون مقدمات وكنت فاكره حياتي كلها سوده الا ان عوض ربنا وطاقه النور ظهرت مع بدايه صبح النهارده، كل الشكر ليكم ولكل الناس اللي وقفت جمبي حتي بالكلام ـنا مدينه ليكم بكل الشكر والناس اللي دخلتلي عايزه تساعدني مادياً، أنا مش محتاجه فلوس ومطلبتش من حد فلوس، أنا كل الل كنت محتاجه من البوست اللي نزلته محامي يتولي قضيتي واتعابه هيخدها بعد ميرجعلي حقي، لكن انا مش محتاجه مساعدات مديه من حد وشكراً جداً لكل اللي عرض (ربنا يجعل دعواتي ليكم كلكم من نصيبكم) بدون مبالغه انتو حيتوني أنا واختي من جديد".
وكان رواد مواقع التواصل الاجتماعى قد تداولوا استغاثة من فتاة نشرت مشكلتها عبر أحد مواقع التواصل الاجتماعى لمحاولة إيجاد حل لمشكلتها خوفاً من تشردها فى الشارع هى وشقيقتها.
وقالت الفتاة فى منشورها أن والدها توفي وفى شهر رمضان الماضي توفيت والدتها أيضا وبعد وفاتهم أراد عمها أن يتم البيع الذى تسكن فيه حتى يحصل على ميراثه قائلة" ليا 3 أعمام وعايزنى أبيع البيت وأنا عندى أخت صغيرة 4 سنوات ومش ليا مأوي ومش معترضة على حقهم بس مش عارفة أروح فين".
وتابعت الفتاة وفقا للمنشور الذى تم تداوله " أنا حقى مش هيجبلي تمن شقة .. أنا عايشة على السلف لحد ما أقبض معاش ماما وبابا.. ومش هقدر أرفع قضية لأن مش معايا تمن المحامى".
ولاقي المنشور تعاطف كبير من رواد مواقع التواصل الاجتماعى الذين طالبوا بالحصول على تفاصيل ورقم الفتاة لمحاولة مساعدتها وهناك من طلب منها التوجه للمجلس الحسبي ورفض البيع.
