عمرو أديب يهاجم محمد رمضان بعد نزوله إسكندرية: الفن مش بالغصب.. كفاية
قال الإعلامى عمرو أديب أن محمد رمضان تعامل مع حملة غير مرحب بك في الإسكندرية بمنطق غريب، قرر ينزل اسكندرية بنفسه ويعدى على حارة حارة يعمل استفتاء شعبي انتوا بتحبونى ولا لأ وده شئ غريب"
وتابع خلال برنامجه " تخيل لما محمد رمضان نزل بموتسيكلاته وسلطاته وبابا غنوجه وحصل خناقة بين اللى بيحب محمد رمضان وبين اللى مابيحبش محمد رمضان تخيل كان إيه اللى هيحصل.. هو ينفع الكلام ده".
وقال "هو الفن غصب ماتعمل حفلتلك واللى عايز يروح يشوفك يروح واللى مش عايز مايروحش .. إنما أعمل تحدى فى الشارع .. هو فى فن بالغصب وبالمعلقة".
ووجه رسالة لمحمد رمضان قائلا " هى دى طريقة .. كفاية كده .. الحفلة يوم 7 اللى عايز يحضر يروح واللى مش عايز مايروحش إنما هذا الأمر بهذا الشكل العشوائي والبدائي لا يصلح أبدا".
ونشر الفنان محمد رمضان مقاطع فيديو؛ عبر حسابه الرسمي على مواقع التواصل المختلفة، عنونه بـ"ربنا يديم الحب يا اسكندرية، حق الرد.. سهل تبقى بطل ع السوشيال صعب تبقى بطل ع الأرض".
وتداولت صفحات ومواقع التواصل الاجتماعي في محافظة الإسكندرية، مقطع فيديو انتشر على نطاق واسع لاعتراض عدد كبير من المواطنين على تواجد محمد رمضان داخل إحدى المقاهي بالإبراهيمية.
