صبري فواز عن علاقته بخالد صالح: كنا بننكش بعض دايما.. ومفتقده جدا

قال الفنان صبري فواز، إن من أكثر الجمل التي لا يحبها ولديه موقف ضدها "مش هيجي زيه"، مشددًا على أنها جملة قاتلة وتصادر على المستقبل، وعقّب بقوله: "لأ، دايما هيجي أحسن ودايما في أحسن".

وأضاف فواز خلال حواره مع الإعلامية قصواء الخلالي، مقدمة برنامج "في المساء مع قصواء"، على قناة "cbc": "كل جيل بيبقى أحسن من اللي قبله، وكلمة مش هيجي زيه مصادرة للمستقبل ووحشة، لكن الشباب اللي جاي أحلى بكتير مننا وسابقينا بكتير لكن إحنا مشهورين عنهم".

ووجه الفنان، التحية للمبادرة الرئاسية "حياة كريمة"، بسب مسرح "المواجهة والتجوال": "بيروح للقرى والأرياف وفي حاجات حلوة جدا، وشغف الأطفال حاجة تفرح جدا".

وحول الفنان خالد صالح، قال: "حبيبي، رحمه الله، كنا دايما نتوعد بعض إننا هنقطع بعض تمثيلوكنت أقوله هوريك التمثيل على حق ربنا، ودي حاجة معرفتش أعملها إلا مع خالد بس، واخاف أعملها مع حد تاني ياخدها بحساسية ويزعل".

وتابع: "أفتقد خالد صالح جدا لأنني أن أحب اللعب بهذه الطريقة، كنا بنقدر قيمة بعض في التمثيل، وكنا بننكش بعض طول النهار، والمنطقة دي أنا مفتقدها وهي مش موجودة كتير، ربنا يرحمه".