"بيطلع نتائج التحاليل غلط".. تحذيرات على السوشيال ميديا من معمل "المختبر"
تداول رواد مواقع التواصل الاجتماعى صورة لتحذير أحد المواطنين من معمل المختبر وإنه يظهر النتائج بشكل خطأ ولا يعترفون بهذا الخطأ مما قد يؤثر على طريقة علاج الشخص والأدوية التى يتناولها ظناً منه أن نتيجة تحليله صحيحة.
والمنشور التحذيري من معامل المختبر والذى يستعرض تجربة لمواطن مع المختبر" النهارده حابب أشارك تجربتى السيئه جدا مع احد معامل التحاليل المشهورة واحذر منه لانه مشكوك في نتايجة وممكن لا قدر الله تضر المريض لعدم دقتها وتدفعه لانه يمشى في اتجاه خاطئ صحيا بناء على نتيجه تحاليل غلط..يوم الجمعه السابقه توجهت للمعمل لعمل بعض الفحوصات من ضمنها تحليل السكر التراكمى واللى بيقيس متوسط نسبه السكر في الدم لفتره 3 شهور سابقه واللى بيحدد اذا كان المريض هو مريض سكر او لا ومدى تحكمه في نسبه السكر في الدم. ,وبتكلم عن التحليل ده تحديدا لان مفترض ان ده على فتره كبيرة فالنتيجه مش هتتغير فى ايام . اما باقى التحاليل انا اشك فيها برضه ولكن هى تحاليل لحظيه وممكن نتيجته تتغير من يوم للتانى".
وتابع صاحب المنشور"المعمل طلع النتيجه ان مستوى السكر عالى ومفيش تحكم بشكل جيد في مستويات السكر برغم انى متبع نظام غذائى لاكثر من 5 شهور بعيدا عن السكريات وبالرغم من كده المعمل مطلع النسبه 6.3 ودى نسبه عاليه جدا بالنسبه لشخص متبع نظام غذائلى بعيد عن السكريات. لشكى في التحاليل ذهبت لمعمل اخر يوم السبت وعملت إعادة للتحليل وكانت النتيجه طبيعيه وممتازة جدا ومفيش اى قلق من نسبه السكر في الدم بالنسبالى وعند الرجوع للمختبر وتقديم شكوى لشكى في نتيجتهم كان الرد انهم حاصلين على اعلى شهادات الجوده وان مفيش مجال للخطأ عندهم وطلبوا انى اعيد التحليل تانى في مكان تالت للتاكيد وده على حسابى الشخصى طبعا وانى ارجعلهم بعد ظهور النتيجه".
وقال" وبالفعل حصل والنتيجه برضه طلعت في المستوى الطبيعى للسكر. وبفرق كبير عن الرقم ينقلنى من Normal to Prediabetic ومع ارسال ال3 نتايج ليهم مره أخرى مازالوا مصرين انهم مبيغلطوش وان التحاليل اللى بره هي اللى غلط بالرغم من ان التحليل اتعاد في مكانين مختلفين. .رجاء محدش يعتمد على المختبر في التحاليل لانه غير موثوق فيه وماشيين بمبدا احنا جامدين ومعانا شهادات ومبنغلطش ومحدش زينا. وعادى ممكن المريض يمشى في اتجاه علاجى خاطئ بسبب نتايجهم الغلط.
