استشاري التغذية : ممكن نظبط اكلنا في الشتا ب ٣ طرق بسيطة
قالت دكتور روبي مرزبان استشاري التغذية العلاجية والسمنة والنحافة إن الفطار بحلاوة المولد أو أى سعرات حرارية عالية الصبح مفيش فيه مشكلة لأنه بيتحرق على مدار اليوم، و إحنا ممكن نظبط أكلنا فى الشتا بطريقة بسيطة وهى الحفاظ على الـ 3 وجبات الرئيسية وبين الوجبات ناكل سناك خفيف، جاء ذلك خلال مداخلة هاتفية لبرنامج خلاص صحينا مع مارينا المصري على ميجا اف ام .
و أضافت السناك ممكن يبقى مكسرات نية، او فواكة قليلة السكر زي البرتقال والتفاح، و الفول والعدس بيدفوا جدا، والأفضل يكونوا من غير إضافة أى زيوت لو عايزين نخس.
و تابعت أفضل العادات فى الشتا هى تقليل التدخين، والحفاظ على ممارسة الرياضة، وتناول الأكل الصحى، بحانب النوم الجيد، و لازم نركز على الأكلات الصحية غير الدسمة لأنها بتأثر على الصحة على المدى البعيد.
واختتمت قائلة الأكلات اللى بتزود المناعة: البروكلى، القرنبيط، السبانخ، الفشار، البطاطا، الأسماك، و ما دام الأكل مطبوخ بشكل صحى، نقدر ناكل أى كمية لغاية لما نشبع، و لازم نمنع الشوربة تماما فى الشتاء، لأنها فيها سعيرات حرارية عالية ومخصوصة للناس اللى محتاجة تزيد فى الوزن.
