استاذ سلوك: هناك فرق بين السعادة والصحة النفسية
قال الدكتور إيهاب عيد، أستاذ الطب السلوكي، ورئيس قسم الدراسات الطبية بجامعة عين شمس إن الفرق بين السعادة والصحة النفسية كبير، لأنه مش شرط كل شخص عنده صحة نفسية يكون سعيد، والصحة النفسية بتكون معترف فيها إنك عندك مشاكل لكن بتتعامل معاها بشكل مظبوط، يعني بمعنى أدق بيكون عندك "استبصار"، ودي قمة الصحة النفسية، جاء ذلك خلال مداخلة هاتفية لبرنامج خلاص صحينا تقديم مارينا المصري على ميجا اف ام.
وأضاف مخ الإنسان بيختلف عن بقية الأحياء بوجود قشرة المخ، وهي مكان مخصص للمساعدة على الانتقال من حالة نفسية لحالة نفسية أخرى، و التجاهل أو التغافل فن من فنون تعديل السلوك، بيمنع من زيادة تكرار السلوك السيء، وبيجعل الإنسان قادر على التكيف مع المواقف المختلفة والصعبة منها.
أما الأشخاص اللي مش عندها قدرة على التجاهل، مهم جدا وجود أصدقاء في حياتهم يساعدوهم على تشتيت انتباهم لما تكون فيه المشكلة.
واختتم قائلا التجاهل مش معناه عدم حل المشكلة، ولكن هو معني أكتر بالسيطرة على مود الإنسان، وعدم الإنغماس في الإكتئاب والعصبية.
