خبير تنمية بشرية : قرار زي الزواج ما ينفعش يكون عقلاني بس أو بديهي
قال الدكتور رأفت شحاتة خبير التنمية البشرية إن اتخاذ القرارات بيعتمد علي عدة أشياء منها الثقة بالنفس وروح المغامرة والأهم توافر المعلومات، و اتخاذ القرار بدون توافر معلومات كافية يؤدي إلى رؤية ضبابية، جاء ذلك خلال مداخلة هاتفية لبرنامج "الحياة تجارب" على ميجا fm تقديم محمد فهمي.
وأضاف هناك نوعين من القرارات، قرار عقلاني وقرار بديهي، والقرار الصحيح هو مزيج من العقلانية والبديهية.
وأضاف قرار زي الزواج ما ينفعش يكون عقلاني بس أو بديهي بس، ولازم العقل يتحرك الأول وبعده تيجي المشاعر، ومش لازم القرار اللي هيحققلك الراحة أو النتيجة السريعة يكون هو القرار الصح، و بنصح أي شحص عند اتخاذ قرار إنه مايبصش تحت رجليه، ولازم يبص للمدي البعيد عشان ما يحصلش ندم بعدين على القرار ده، أما عن امتلاك الشخص للوعي اللازم بيساعده علي اتخاذ القرار بصورة صحيحة .
وتابع لازم الشخص يكون عنده تطلع لسماع كل الآراء المختلفة بشرط توافر عنصر التقييم اللي هيفرز بيه ويكون رأيه الخاص .
واختتم قائلا فرانسوا فولتير في فرنسا كانوا بيسموه فيلسوف التنوير وإذا المجتمع قاده نخبة من المثقفين الكل هيتحرك في نفس الاتجاه، ومشاهدة الناجحين وكيفية اتخاذ قراراتهم بتساعد علي التعلم وزيادة الخبرة ، زي مشاهدة مسيرة بيل جيتس وجيف بيزوس وايلون ماسك وجاك ما وغيرهم.
