"كنت زي الريشه".. أحمد فريد يكشف اللحظات الأخيرة في حياة والده
تصدر الفنان أحمد فريد موقع البحث الشهير “جوجل” بعد وفاة والده أمس الأربعاء، بعد صراع مع المرض، ووجه أحمد فريد رسالة مؤثرة لوالده مطالبا متابعية الدعاء له بالرحمة والمغفرة، نشر عبر صفحته على موقع التواصل الإجتماعي ط الفيسبوك".
"كنت زي الريشه".. أحمد فريد يكشف اللحظات الأخيرة في حياة والده
قائلا: "البدايه كانت من يومين قبل ماتمشي لما جتلي في المنام في عز شبابك عشان تطمني وتوريني المكان اللي رايحه.. تخليني اجيلك امبارح عشان اصلي علي رسول الله وألقنك الشهاده في ودنك وقت الزياره كلها وقبل ماتمشي وتسبنا بساعتين وكنت في قمة السكون".
تابع: "امبارح بس فتحت عيونك الخُضر الحلوين حتي وانت في غيبوبه وشايف عالم تاني فرحان بيه ومستمتع قوي بفرحته النهارده في الغُسل كأنه عُرس من بشاشة و إبتسامة وشك و نور وجهك اللي زي البدر منور ، كنت بتجهز ومستعجل و عاوز تجري وخلصت الحاجات قوام قوام وملحقتش اقعد معاك".
وأضاف أحمد فريد: "احنا شيلينك النهارده كنت زي الريشه و برضوا مستعجل وبتجري وانا بجري وراك وفضلت اقولك مستعجل علي ايه مانت كده كده ماشي وسايبني ، ماتمشي براحه شويه خليني اشبع منك برضوا مستعجل وصلنا.. فتحنا المدفن ”.
واختتم "فريد" كلامه: "النهارده نزلت تحت عشان اشيلك وأوصلك بإيدي واطمن عليك واطبطب علي قلبك زي ماكنت دائما بتطبطب عليا و وصلتني لكل الخير اللي انا فيه دلوقتي حتي ألقاك ياطيب يا عذب اللسان يا تؤم روحي يا حته من قلبي يا كل حاجه حلوه بحبها..بحبك".
أعلن الفنان أحمد فريد عن وفاة والده، بعد صراع مع المرض ونشر صورة لوالده عبر صفحته علي موقع التواصل الإجتماعي “الفيسبوك”، وعلق عليها قائلًا: “يا وجع قلبي، مشيت وخدت روحي معاك، حبيبي وسندي وتوأم روحي في ذمة الله، في الجنة ونعيمها يا حبيبي، إنا لله وإنا إليه راجعون”.
ووحدد أحمد فريد عن مكان الجنازة في محافظة الإسكندرية:" صلاة الجنازة علي والدي الفنان محمد فريد المغفور له بإذن الله بعد صلاة العصر بمسجد جامع المواساة أمام كلية الهندسة .. والدفن بمقابر المنارة الباب التاني بعد صلاة الجنازه مباشرة".
❤️
